Лоиҳаи «Рушди таҳсилоти фарогир барои кӯдакони дорои имконияти маҳдуд дар Душанбе»

Душанбе, 26.02.2016 (АМИТ «Ховар»).- Дирӯз аз ҷониби Ассотсиатсияи кумак ва дастгирии Ҷопон лоиҳаи «Рушди таҳсилоти фарогир барои кӯдакони дорои имконияти маҳдуд дар шаҳри Душанбе (марҳилаи 3-юм)» оғоз гардид.
Дар маросим сафири Ҷопон дар Ҷумҳурии Тоҷикистон Такаши Камада иброз намуд, ки махсусияти кумак ва дастгирии ҷавонон дар Тоҷикистон ҳоло дар самтҳои мухталиф, аз ҷумла ҳолатҳои фавқулода, тандурустӣ ва кишоварзӣ лоиҳаҳоро амалӣ менамояд. Аз соли 2001 то ин ҷониб созмони мазкур бо кумаки Ҳукумати Ҷопон дар Тоҷикистон 13 лоиҳа бо маблағи 3,3 млн долларро амалӣ намудааст. Имрӯз махсусияти кумак ва дастгирии Ҷопон лоиҳаи «Рушди таҳсилоти фарогир барои кӯдакони дорои имконияти маҳдуд дар шаҳри Душанбе, марҳалаи сеюм» бо маблағи умумии 340 ҳазор доллар оғоз гардид, ки тибқи лоиҳа барои кӯдакон компютерҳо ва асбобҳои чопкунӣ пешкаш гардида, сохтани майдончаи варзишӣ низ дар назар аст.
Сармутахассиси муассисаҳои томактабӣ ва миёнаи умуми Вазорати маориф ва илми ҶТ Муҳаммад Бобомуродов гуфт, ки дар як муддати начандон зиёд мо «консепсияи таҳсилоти фарогирро» ки аз тарафи Ҳукумати ҶТ ба имзо расида буд, амалӣ кардем ва дар муассисаҳои таҳсилоти умумӣ низ ин кӯдаконе, ки то имрӯз дар муассисаҳои махсус буданд, ба таҳсил фаро гирифта шуданд.
Сардори раёсати маорифи шаҳри Душанбе Ҳамидуллохон Фақеров аз ҳамкорӣ бо сафорати Ҷопон изҳори хушнудӣ намуда, гуфт: маҳз бо дастгирии «Ассотсиатсияи кумак ва дастгирӣ», муассисаи томактабии №1-и ноҳияи Шоҳмансур хеле фаъолияти хуб роҳандозӣ намуд. Инчунин чор муассисаи дигар, МТМУ №28, 54, 72 ва гимназияи 53 ҳамкорӣ доранд, боз муассисаҳои дигар ҳам омода ҳастанд ҳамкорӣ намоянд.