Вохӯрии ректорон бо хатмкунандагони Конибодом

Хуҷанд, 03.02.2016 (АМИТ «Ховар»).- Дар мақомоти иҷроияи ҳокимияти давлатии шаҳри Конибодом вохӯрии ректорон бо иштироки 380 хатмкунанда сурат гирифт.
Зимни вохӯрӣ Мирзотоҳир Набиев, сармутахассиси рушди иҷтимоӣ ва робита бо ҷомеаи дастгоҳи раиси вилояти Суғд гуфт, ки соли гузашта аз 2406 хатмкунанда ҳамагӣ 730 нафар аз тариқи Маркази миллии тестӣ ба мактабҳои олии кишвар дохил шуданд, ки нишондиҳанда ҳамагӣ 30,3 дар сад буда, дар қиёс бо нишондиҳандаи вилоят 5 дар сад кам аст. Ҳамчунин роҳбарони муассисаҳои олии вилоят дар баробари муаррифии донишгоҳу донишкадаи худ аз тариқи навори видеоӣ дастоварду комёбиҳои донишгоҳҳоро нишон доданд.