Бозии ниҳоят муҳими “Истиқлол” ва “Хуҷанд”

Душанбе, 4.03.2016 (АМИТ «Ховар»).-Имрӯз соати 16 дар майдони асосии варзишгоҳи марказии пойтахт вохӯрии дастаҳои “Истиқлол” ва “Хуҷанд”дар гурӯҳи “А”-и мусобиқот барои Ҷоми ФФТ баргузор мешавад. Муҳимияти ин вохӯрӣ аз он хотир аст, ки “Истиқлол” дар пешорӯи бозии дуввуми худ дар рақобатҳои Ҷоми КФО бо тими “Тараблус”(Триполӣ)-и Лубнон(8-март) ҳамаи бозингарони худро аз назар мегузаронад ва дар баробари “Хуҷанд”, ки барандаи медалҳои нуқраи мавсими соли гузашта ва иштирокдори бозиҳои Ҷоми КФО буд, дар рақобати арзишманд кабудиҳои худро хоҳад дид.
Дӯстдорони футбол метавонанд ин бозиро тавассути Муассисаи давлатии телевизиони “Варзиш”, ки рӯзи 1 март Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ифтитоҳ кард, тамошо кунанд.