Дастгир гардидани ғоратгарон
Душанбе, 10.03.2016. (АМИТ Ховар).- Ба ШВКД дар ноҳияи Ҳисор сокини 28-солаи ҳамин ноҳия муроҷиат намудааст, ки 29 ноябри соли 2015, тахминан соати 16:30 дақиқа дар маҳаллаи Ҳисори ноҳияи мазкур шахсони номаълум ӯро зери лату кӯб қарор дода, аз ӯ 400 сомонӣ пули нақд ва 1 телефони мобилии тамғаи Флайро, ки арзишаш 500 сомониро ташкил медиҳад, тасарруф намуда, аз ҷойи ҳодиса ғайб задаанд. Ҳангоми гузаронидани чорабиниҳои фаврӣ — ҷустуҷӯӣ аз ҷониби кормандони милитсия сокинони 23 ва 27-солаи ноҳияи Ҳисор ҳамчун гумонбар дар содир намудани ин ҷиноят дастгир шуданд.
Нисбат ба далели мазкур парвандаи ҷиноятӣ оғоз шуда, тафтиш давом дорад.