Лигаи миллии футбол: 11 даста дар Лигаи олӣ
![](https://khovar.tj/wp-content/uploads/2016/03/Ligai_millii_futbol.jpg)
Душанбе, 11.03.2016 (АМИТ «Ховар»).-Дар Чемпионати 25-уми Тоҷикистон байни дастаҳои Лигаи олӣ 11 даста ширкат мекунад. Инҳо дастаҳои “Истиқлол”, КМВА “Помир”, “Барқчӣ” ( Душанбе), “Хуҷанд” (Хуҷанд), “Равшан” (Кӯлоб), “Регар ТадАЗ” (Турсунзода), “Хайр” (Ваҳдат), “Вахш” (Қурғонтеппа), “Далерон-Ӯротеппа” (Истаравшан), “Парвоз” (Бобоҷон Ғафуров) ва «Ҳосилот» (Фархор) мебошанд. Тавре ки аз ФФТ хабар доданд, мусобиқа аз 8 апрел оғоз шуда, дар даври аввал тимҳои “Вахш” бо “Регар-ТадАЗ”, “Хуҷанд” бо “Парвоз”, “Истиқлол” бо “Барқчӣ”,”Хайр” бо “Ҳосилот” ва “Далерон-Ӯротеппа”бо “Равшан” вориди майдон мешаванд.
Имсол дастаи “Барқи тоҷик” тағйири ном карда, бо исми “Барқчӣ”фаъолият мекунад. Дар ҳайати ин даста аслан футболбозони мунтахаби то 19-солаи мамлакат, ки шарафи Тоҷикистонро дар бозиҳои ниҳоии Ҷоми Осиё дар Баҳрайн ҳимоя мекунанд, шомил мебошанд. Дастаро мутахассиси украинӣ Роман Пилипчук машқ медиҳад.