Мукофотпулии шаҳрдорӣ ба бонувони роҳрӯб

Душанбе, 07.03.2016.(АМИТ «Ховар»).- Ба муносибати Рӯзи Модар -8 март ва ҷашни ҷаҳонии Наврӯз шаҳрдории Душанбе 2 ҳазору 461 нафар занони роҳрӯб- кормандони раёсатҳои истифодаи роҳҳои пойтахтро барои саҳми арзандаашон дар тозагии пойтахт ба андозаи 700 сомонӣ бо мукофопулӣ сарфароз менамояд.
Тибқи қарори ба тасвиб расонидаи раиси шаҳри Душанбе Маҳмадсаид Убайдуллоев бо ин мақсад аз буҷети шаҳри Душанбе 1 миллиону 722 ҳазору 700 сомонӣ ҷудо гардидааст.