Нишасти вазирони корҳои хориҷии кишварҳои узви Муколамаи ҳамкории Осиё
Душанбе, 10.03.2016 (АМИТ «Ховар»).- 10 марти 2016 дар пойтахти Шоҳигарии Тайланд- шаҳри Бангкок нишасти вазирони корҳои хориҷии кишварҳои узви Муколамаи ҳамкории Осиё (ACD) баргузор гардид. Дар нишасти мазкур ҳайати Тоҷикистонро вазири корҳои хориҷии кишвар Сироҷидин Аслов роҳбарӣ намуда, дар мавриди роҳҳои таҳкими ҳамкорӣ ва рушди инфрасохтори минтақавӣ дар чаҳорчӯби ин ҳамоиши байналмилалӣ сухан кард. Зимни суханронии худ вазири корҳои хориҷӣ инчунин таваҷҷуҳи иштирокдорони ҷаласаро ба тақвияти ҳамкорӣ дар соҳаи таъмини дастрасӣ ба энергия ва об ва вусъат бахшидани ҳамкории мутақобилан судманд дар соҳаҳои фарҳангу маориф ҷалб намуд.
Дар ҳошияи ҷаласаи мазкур вазири корҳои хориҷии Тоҷикистон Сироҷидин Аслов барои баррасии масъалаҳои муносибатҳои дуҷониба ва роҳҳои таҳкими он бо вазири корҳои хориҷии Тайланд мулоқот анҷом дод. Ҷонибҳо омодагии хешро барои тавсеаи ҳамкории судманд дар соҳаҳои гуногун иброз намуда, инчунин дар мавриди масоили ҳамкории ду кишвар дар ҳошияи Созмони Милали Муттаҳид ва Муколамаи ҳамкории Осиё мубодилаи афкор намуданд.
Рӯзи 10 марти 2016 дар Бангкок мулоқоти вазири корҳои хориҷии Тоҷикистон Сироҷидин Аслов бо муовини вазири корҳои хориҷии Кувайт Алӣ Сулаймонӣ сурат гирифт. Дар мулоқот ҷанбаҳои муҳимми робитаҳои ҳамкории Тоҷикистону Кувайт дар самтҳои мухталиф, аз ҷумла масъалаҳои тадорукотии баргузории ҷаласаи навбатии Комиссияи муштараки байниҳукуматӣ оид ба ҳамкории тиҷоратию иқтисодӣ ва илмию техникӣ мавриди баррасӣ қарор гирифтанд.
Инчунин дар ҳошияи ҷаласаи вазирони корҳои хориҷии Муколамаи ҳамкории Осиё вазири корҳои хориҷии Тоҷикистон бо муовини вазири корҳои хориҷии Амороти Муттаҳидаи Араб Аҳмад Ҷарман мулоқот доир намуд. Ҷонибҳо дар атрофи ҷараёнҳо ва роҳҳои тавсеаи ҳамкории дуҷонибаи иқтисодию тиҷоратӣ ва инчунин оид ба масъалаҳои вобаста ба кумакҳои башардӯстона гуфтугӯи судманд анҷом доданд.
НИШАСТИ МАТБУОТӢ. Кишоварзони Ҳисор беш аз 11,3 ҳазор тонна мева ва хушкмева содирот намуданд
Дар ҳавзаи интихоботии якмандатаи Шоҳмансур №3 ташвиқоти пешазинтихоботии номзадҳо доир гардид
Пагоҳ дар Агентии омор, Бонки миллӣ, Палатаи ҳисоб ва Хадамоти гумрук нишасти матбуотӣ баргузор мегардад
Ширкати «Париматч Тоҷикистон» бо «Лигаи футболи Тоҷикистон» шартномаи ҳамкориро идома дод
Дар Маҷмааи сайёҳии «Сафеддара» Форуми блогерон баргузор мегардад
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
«БЕҲТАРИН ЁРИ ВАФОДОР КИТОБ АСТ, КИТОБ». Имрӯз дар Душанбе беш аз 15 ҳазор нусха китоб ба намоиш-фурӯш пешниҳод гардид
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
ҲИСОББАРОБАРКУНИИ ҒАЙРИНАҚДӢ. 64 фоизи аҳолии калонсоли ноҳияи Шаҳринав дорандаи корти бонкӣ мебошанд
