Пардабардорӣ аз рӯи Муҷассамаи шоҳ Исмоили Сомонӣ дар шаҳраки Бӯстони ноҳияи Мастчоҳ
Душанбе, 23.03.2016. (АМИТ «Ховар»). — Дар маркази шаҳраки Бӯстони ноҳияи Мастчоҳ Асосгузори сулҳу Ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар вазъияти тантанавӣ бо бардоштани парда муҷассамаи барқади аввалин асосгузори давлати тоҷикон шоҳ Исмоили Сомониро ифтитоҳ намуд.
Тавре маълум гардид, муҷассамаи шоҳ Исмоили Сомонӣ дар хиёбони марказӣ дар шафати боғи фарҳангӣ-фароғатии шаҳрак бунёд шудааст.
Ба Сарвари давлат Эмомалӣ Раҳмон иттилоъ доданд, ки баландии Муҷассамаи барқади шоҳ Исмоили Сомонӣ бо таҳкурсиаш 12 метрро ташкил медиҳад ва он аз ҷониби Арбоби ҳунари Тоҷикистон Ғафурҷон Ҷӯраев сохта шудааст.
Хиёбони марказӣ ва боғ, ки муҷассама дар он қомат афрохтааст, аз таъмиру таҷдид бароварда шуда, ба як мавзеи дилфиреб ва маҳалли сайру гашти сокинону меҳмонони ноҳияи Мастчоҳ табдил ёфтааст.
Бинои Қасри фарҳанги ноҳия ҳам дар даруни боғ аз нав таъмир гардидааст. Аз тарафи соҳибкор Мирзораҳим Шарифов чойхонаи нави миллӣ сохта мавриди истифода қарор дода шудааст.
Арзиши умумии корҳои навсозӣ ва сохтмони иншоот дар маҷмуъ 17 миллиону 900 ҳазор сомониро ташкил медиҳад.
Сарвари давлат Эмомалӣ Раҳмон дар ҳамин ҷо баъди ифтитоҳи иншооти нав ва шиносоӣ бо шароити истироҳату фароғати сокинон бо фаъолони ноҳияи Мастчоҳ суҳбати самимӣ доир кард.
Президенти мамлакат Эмомалӣ Раҳмон зимни суханронӣ ҳозиринро бо фарорасии фасли зебои баҳор, наврӯзи ҷаҳонишудаи тоҷикон, ҷашнҳои бузурги дар пешистода ва ифтитоҳи як қатор иншооти муҳим табрику таҳният гуфт.
Сарвари давлат ба соҳибкорони ватанӣ, ки барои ободонии диёри хеш саҳми муносиб гузоштаанд, изҳори сипос намуд.
Зимни суханронӣ Пешвои миллат Эмомалӣ Раҳмон оид ба талошҳои созандаи роҳбарияти давлату Ҳукумати кишвар баҳри рушди ҷомеа ва беҳдошти сатҳи зиндагии мардум андешаронӣ кард.
Сокинони ноҳия дар навбати худ ба Асосгузори сулҳу Ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон барои ғамхориашон миннатдорӣ карданд.
Дар ҳамин ҷо баъди суханронии Президенти Ҷумҳурии Тоҷикистон Эмомалӣ Раҳмон аз ҷониби аҳли ҳунари ноҳия барномаи рангини консертӣ намоиш дода шуд.
Президенти Ҷумҳурии Тоҷикистон Эмомалӣ Раҳмон ба таври фосилавӣ як иншоот дар ноҳияи Бобоҷон Ғафуров ва 13 иншоот дар шаҳри Конибодомро мавриди истифода қарор доданд
Пешвои миллат Эмомалӣ Раҳмон дар ноҳияи Бобоҷон Ғафуров корхонаи коркарди меваю сабзавот, истеҳсоли нӯшокиҳои ташнагишикан ва афшураҳои мевагии ҶДММ «Сирдарё»-ро ба истифода доданд
Сарвари давлат Эмомалӣ Раҳмон бинои кумитаи иҷроияи Ҳизби Халқии Демократии Тоҷикистонро дар вилояти Суғд мавриди баҳрабардорӣ қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Бӯстон корхонаи истеҳсоли хӯроки чорво ва парандаи ҶДММ «Базаи таъминот»-и ширкати Барсро ифтитоҳ намуданд
Пешвои миллат Эмомалӣ Раҳмон бо сафари корӣ ба вилояти Суғд ташриф оварданд
Сарвари давлат Эмомалӣ Раҳмон Меҳмонхонаи Редиссон Коллекшн Душанберо (Radisson Collection Dushanbe) ифтитоҳ намуданд
Пешвои миллат Эмомалӣ Раҳмон дар шаҳри Душанбе корхонаи дару тирезаҳои алюминӣ ва пластикии ҶДММ «Тамдид»-ро мавриди баҳрабардорӣ қарор доданд
Президенти Ҷумҳурии Тоҷикистон Эмомалӣ Раҳмон бо 6 лоиҳаи нави истеҳсолӣ, логистикӣ ва иҷтимоӣ дар шаҳри Душанбе шинос шуданд
Сарвари давлат Эмомалӣ Раҳмон дар шаҳри Душанбе корхонаи «Разес Фарма»-ро ифтитоҳ намуданд
Пешвои миллат Эмомалӣ Раҳмон бинои нави Маркази аутизми шаҳри Душанберо мавриди истифода қарор доданд
Маҷлиси Ҳукумати Ҷумҳурии Тоҷикистон баргузор гардид
Президенти Ҷумҳурии Тоҷикистон Эмомалӣ Раҳмон ба Президенти Ҷумҳурии Федеративии Бразилия Луис Инасиу Лула да Силва барқияи табрикӣ ирсол намуданд
