Рушди туризми дохилӣ рушди имкониятҳои иқтисодист
Душанбе, 14.03.2016. (АМИТ «Ховар»). — Бо баргузории ҷаласа дар Маҷлиси намояндагони Маҷлиси Олии ҶТ гурӯҳи корӣ оид ба таҳияи лоиҳаи Қонуни Ҷумҳурии Тоҷикистон «Дар бораи рушди туризми дохилӣ» ба кори худ шуруъ намуд. Аъзои гурӯҳи корӣ, ки дар он (ташаббускорони лоиҳа) вакилони МН МО ҶТ, намояндагони вазорату кумитаҳо, Академияи илмҳо, донишгоҳу донишкадаҳои олӣ, Ассотсиатсияи ташкилоти ёрирасон ба инкишофи туризми Тоҷикистон ва АМИТ «Ховар» гирд омада буданд, масъалаҳои дахлдор оид ба рушди туризми дохилиро, ки дар лоҳияи мазкур барои баррасӣ пешниҳод шудаанд, мавриди баррасӣ қарор доданд. Тавре ки иштирокдорон зикр карданд, рушди туризми дохилӣ бо бартариятҳои зиёд барои Тоҷикистон дар самти рушди ин соҳа ва ба ин васила иқтисодиёти миллӣ бисёр муҳим, муносиб ва саривақтӣ маҳсуб мешавад. Тоҷикистон ҳамчун кишвари рӯ ба инкишоф ба манбаъҳои гуногуни мусоидаткунанда, ташаккул ва рушди имкониятҳои иқтисодӣ ниёз дорад ва дар шароити ҷомеаи муосир яке аз чунин манбаъҳои муътамад ва устувор ин туризм мебошад. Дар ин роҳ, яъне рушди туризм мебояд шароити мусоид фароҳам овард. Аз ҷумла, рушди инфрасохтори туристӣ, маданият ва маърифати туристии шаҳрвандон аз талаботи асосии ин самти иқтисодӣ ба ҳисоб меравад, ки ҷомеаи Тоҷикистон аз онҳо танқисӣ дорад.
Доир ба масъалаҳои баррасигардида, ки паҳлуҳои гуногуни ба рушди туризми дохилӣ таъсиргузорро фарогиранд ва дар лоиҳаи Қонуни Ҷумҳурии Тоҷикистон «Дар бораи рушди туризми дохилӣ» дарҷ гардидаанд, пешниҳод шуд, ки аъзои ҳайати корӣ баъди омӯзишу таҳлили дақиқ, роҳҳои муассир ва мутобиқ ба талаботи замони кунуниро ба таври хаттӣ ироа намоянд. Ҳамчунин таъкид гардид, ки барои боз ҳам беҳтар ошноӣ пайдо кардан бо мавзеъҳои сайёҳӣ ва таърихию фарҳангии кишвар, аъзои ҳайти корӣ сафарҳо анҷом дода, барои такмили лоиҳаи мазкур саҳмгузорӣ намоянд.
Ҳамзамон иштироки хоҳишмандон аз доираҳои гуногуни ҷомеа, бахусус олимону мутахассисони соҳа ва намояндагони ВАО дар таҳияи лоиҳаи қонуни мазкур пазируфта мешавад. Воситаи тамос: miraliyon@parlament.tj
ТАЪТИЛРО БОСАМАР ГУЗАРОНЕМ! Таҳти ин шиор Донишгоҳи байналмилалии забонҳои хориҷии Тоҷикистон озмуни китобхонии фосилавиро эълон намуд
Ваколатдор оид ба ҳуқуқи инсон ҷиҳати баланд бардоштани маърифати ҳуқуқии шаҳрвандон 46 машварати сайёри ҳуқуқӣ гузаронид
Пагоҳ дар Агентии хизмати давлатӣ, Хадамоти назорати давлатии бехатарии корҳо дар саноат ва соҳаи кӯҳкорӣ, Академияи идоракунии давлатӣ ва Саридораи геология нишасти матбуотӣ баргузор мегардад
Вазорати энергетика: «Воридот ва нархи гази моеъ таҳти назорати мақомоти ваколатдори соҳа қарор дорад»
«ФАЙЗИ ИСТИҚЛОЛ». Дар басти сеюми ин лагер 410 кӯдаку наврас ба истироҳат фаро гирифта шуд
Суҳбат дар баландӣ. Сокинони ВМКБ бо топ-менеҷерони ширкати «МегаФон Тоҷикистон» мулоқот намуданд
Дар Кӯлоб вобаста ба саҳми шуроҳои ҷамъиятӣ дар амалишавии ислоҳоти милитсия ҳамоиш баргузор шуд
Имрӯз дар Тоҷикистон ҳавои тағйирёбанда пешгӯӣ шудааст
Бо иқдоми соҳибкорони ватанӣ заминҳои кишоварзии ноҳияи Деваштич обёрӣ гардиданд
Таътили тобистонаи хонандагон дар истироҳатгоҳи омӯзишии «Истиқлол»-и назди Донишгоҳи давлатии Кӯлоб бофароғат мегузарад
