Тоҷикистон дар Намоишгоҳи байналмилалии Интурмаркет- 2016 иштирок менамояд
Душанбе, 18.03.2016. (АМИТ Ховар).- Аз 19 то 22 марти соли 2016 дар шаҳри Маскави Федератсияи Русия намоишгоҳи байналмилалии туристии Интурмаркет- 2016 баргузор мегардад. Намоишгоҳ дар майдони 28000 метри муррабаъ бо ширкати 1430 ширкати сайёҳӣ, 78500 иштирок ва аз 143 кишвар дар назар дошта шудааст.
Дар ҳамоиши бузурги сатҳи байналмилалӣ гӯшаи туристии Тоҷикистон зери шиори «Тоҷикистон кишвари туризм» бо масоҳати 10 метри мураббаъ ба маърази тамошои дӯстдорони сайру саёҳат гузошта мешавад.
Дар доираи намоишгоҳи байналмилалии туристӣ намояндагони Кумитаи ҷавонон, варзиш ва сайёҳӣ, Сафорати Ҷумҳурии Тоҷикистон дар Федератсияи Русия, 6 ширкати туристии ватанӣ, ҶДММ ширкати ҳавопаймоии «Сомон-Эйр», меҳмонхонаи «Душанбе-Серена» ва ҶДММ маҷмааи лижаронию сайёҳии «Сафед-Дара» ва васоити ахбори оммаи ватанӣ маводи таблиғотии худ ва захираҳои бойи туристии кишвари азизамонро муаррифӣ менамоянд.
Намоишгоҳи мазкур аз соли 2006 инҷониб дарҳои худро барои дӯстдорони сайру саёҳат боз намудааст. Тибқи маълумот теъдоди зиёди иштироки ширкатҳои туристии Федератсияи Русия ва хориҷи кишвар нисбат ба солҳои гузашта бинобар сабаби вазъи сиёсӣ, иҷтимоӣ ва иқтисодии ҷаҳон дар назар дошта шудааст.
Ҳадаф аз иштирок дар намоишгоҳи мазкур ташкили хатсайрҳои нави туристӣ барои ҷалби сайёҳон аз Федератсияи Русия ва Иттиҳоди Давлатҳои Мустақил мебошад.
«МАКТАБИ МОДАРОН». Дар Ёвон духтарон таҷриба омӯхта, ба ҳаёти мустақилона омода мешаванд
22 январ дар Тоҷикистон ҳарорати ҳаво паст шуда, бориши барф пешгӯӣ мешавад
ИСТИҚЛОЛИ ДАВЛАТӢ, СУБОТИ СИЁСӢ ВА АМНИЯТИ МИЛЛИИ ТОҶИКИСТОНРО ҲИФЗ БОЯД КАРД. Дар ҳошияи Паёми Президенти Тоҷикистон ба Маҷлиси Олӣ
Имрӯз дар Тоҷикистон ҳавои тағйирёбандаи бебориш пешгӯӣ мешавад
16 бинои муассисаи таҳсилоти ибтидоии касбӣ ва 4 муассисаи таҳсилоти миёнаи касбӣ таъмир гардид
Интернети бештар ва рақами қиматбаҳо: фоидаи тарофаҳои пешпардохтӣ дар чист?
Оид ба таъмини рушди устувори соҳаи кишоварзӣ дар шароити тағйирёбии иқлим машғулияти омӯзишӣ доир шуд
Имрӯз дар баъзе ноҳияҳои Тоҷикистон туман мефарояд
РУШДИ ҲУНАРҲОИ МАРДУМӢ. Дар Бадахшон беш аз 300 нафар ҳунарманд фаъолият мекунад
Дар Искандаркӯл ба бунёди меҳмонхона ва иншооти муосири сайёҳӣ санги асос гузошта шуд
Имрӯз дар ноҳияҳои алоҳидаи кӯҳии Тоҷикистон барф меборад
