Ба донишҷӯёни ДСРТ тарзи дурусти пур кардани бюллетенҳои интихоботӣ фаҳмонида шуд
Душанбе, 26.04.2016. /АМИТ «Ховар/. Масоили марбут ба раъйпурсии қарибулвуқўи умумихалқӣ, ки 22 май дар кишвар баргузор мегардад, имрӯз зимни вохӯрӣ бо донишҷӯёни Донишгоҳи (славянии) Русияву Тоҷикистон баррасӣ гардид. Дар он масъулини Вазорати корҳои дохилӣ, Вазорати маориф ва илм, Комиссияи марказии интихобот ва раъйпурсӣ ва омӯзгорони донишгоҳ иштирок намуданд.
Корманди Комиссияи марказии интихобот ва раъйпурсӣ Ҷамшед Ҷамшедов оид ба моҳият ва мақсади баргузории раъйпурсии умумихалқӣ оид ба тағйиру иловаҳо ба Конститутсияи (Сарқонуни) Ҷумҳурии Тоҷикистон ибрози андеша намуд.
Зикр шуд, ки то баргузории раъйпурсии умумихалқӣ рӯзҳои башумор мондаанд ва дар айни замон бо мақсади огоҳонидани сокинони кишвар масъулини вазорату идораҳо корҳои фаҳмондадиҳиро гузаронида истодаанд.
Инчунин дар вохӯрии имрӯза масъулини Вазорати корҳои дохилии Тоҷикистон ба ҷавонон оқибатҳои гаравиш ба гурӯҳҳои ифротгаро ва пешгирии раванди шомилшавии онҳо ба ин гурӯҳҳоро фаҳмониданд. Зикр гардид, ки ҷавонону наврасон бояд маърифату маънавиёти худро комил сохта, ҳамчун як фарди соҳибмаърифат ва мутахассиси варзида ба Ватану миллати хеш хизмат намоянд.
Дар вохӯрӣ ба донишҷӯён тарзи дурусти пур кардани бюллетенҳои интихоботӣ ва зарурати иштирок дар ин маъракаи муҳими сиёсӣ фаҳмонида шуд.
Пагоҳ дар Агентии назорат дар соҳаи маориф ва илм, Агентии содирот, Бонки давлатии амонатгузории «Амонатбонк» ва Палатаи савдо ва саноат нишасти матбуотӣ баргузор мегардад
«Интернет барои хона» Steam-ро вусъат мебахшад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар Вазорати саноат ва технологияҳои нав, Кумитаи давлатии идораи замин ва геодезӣ, Академияи миллии илмҳо, Суди Олии иқтисодӣ нишасти матбуотӣ баргузор мегардад
Имрӯз дар баъзе ноҳияҳои Тоҷикистон туман мефарояд
Дар ноҳияи Тоҷикобод 6 коргоҳи истеҳсолӣ ба истифода дода шуд
Имрӯз дар Тоҷикистон ҳавои тағйирёбандаи бебориш пешгӯӣ мешавад
Алоқаи боэътимод — дар ҳар гуна боду ҳаво
