Боздиди роҳбарияти ВКД аз Маркази таълимӣ-фароғатӣ дар Шаҳристон

Душанбе, 18.04.2016. /АМИТ «Ховар»/. 16 апрели соли равон роҳбарияти ВКД дар доираи сафари корӣ ба вилояти Суғд аз Маркази таълимӣ фароғатии Вазорати корҳои дохилии Ҷумҳурии Тоҷикистон дар ноҳияи Шаҳристон боздид ба амал овард.
Зимни боздид вазири корҳои дохилӣ дар заминҳои холибудаи Маркази таълимӣ дарахтони сояафкан ва ниҳолҳои гуногун шинонида, барои сабзазоркунии атрофи биноҳо ва майдончаҳои варзишӣ дастуру супориш дод.
Мавриди зикр аст, ки Маркази таълимӣ-фароғатӣ барои омодабошӣ, машғулиятҳои низомию махсус ва табобату тавонбахшии кормандони мақомоти ҳифзи ҳуқуқу тартибот дар масоҳати 12 гектар бунёд ёфтааст.
Дар он майдончаҳои варзишӣ барои футбол, волейбол, баскетбол, ҳаммом, ҳавзҳои шиноварӣ ва анбори бо тамоми таҷҳизоти замонавӣ муҷаҳҳаз, инчунин 8 бинои таълимии дуошёна, маҷлисгоҳ, ошхона бо 150 ҷойи нишаст, меҳмонхона, амфитеатри тобистона, машқгоҳи саҳроӣ ва ҷойи тирпарронӣ мавҷуданд.