Дар Афғонистон фармондеҳи маҳаллии ҳаракати «Толибон» боздошт гардид

Душанбе, 18.04.2016. /АМИТ «Ховар»/. Полиси миллии Афғонистон як фармондеҳи маҳаллии ҳаракати «Толибон»-ро дар музофоти Сарипул боздошт кард. Дар ин бора рӯзи якшанбе Вазорати корҳои дохилии Ҷумҳурии Исломии Афғонистон хабар дод.
«Фармондеҳи маҳаллии воҳиди мусаллаҳ Азизуллоҳ аз ҷониби полиси миллии Афғонистон рӯзи шанбе пас аз оғози амалиёти махсус дар минтақаи Сангчараки музофоти Сарипул боздошт гардид», — омадааст дар изҳороти Вазорати корҳои дохилии ин кишвар.
Ҷангии дастгиргардида масъули ҳамла ба неруҳои амниятӣ, гузоштани минаҳо ва насби дастгоҳҳои таркандаи худсохт дар ин музофот мебошад.
Дар изҳорот гуфта мешавад, ки полиси миллии Афғонистон ҳамчунин дар минтақаи Чашмашири шаҳри Сарипул дастгоҳи таркандаи худсохтеро дарёфт карда, безарар намудааст.