Даъвати донишҷӯёни Донишкадаи кӯҳӣ-металлургии Тоҷикистон ба ватандӯстӣ

Бӯстон, 20.04.2016 /АМИТ «Ховар»/. Тибқи нақшаи кории мақомоти иҷроияи ҳокимияти давлатии шаҳри Бӯстон бо мақсади пешгирии шомилшавии шаҳрвандон ба ҳизбу ҳаракатҳои ғайриқонунӣ 19 апрел бо донишҷӯёни Донишкадаи кӯҳӣ- металлургии Тоҷикистон мулоқот доир гардид.
Боқӣ Қудратов — мудири бахш оид ба корҳои дин, танзими анъана ва ҷашну маросимҳои миллии мақомоти иҷроияи ҳокимияти давлатии шаҳр оид ба амалҳои ғайриқонунӣ ва пайвастани ҷавонон ба ҳизбу ҳаракатҳои мамнуъ ибрози назар намуда, ҷавононро ба ҳушёриву зиракӣ даъват намуд.
Зимни баргзории мулоқот аз ҷавонон даъват карда шуд, ки барои ҳимояи манфиатҳои давлат, таҳкими Истиқлолият ва якпорчагии Ватан саҳмгузор бошанд ва 22 майи соли равон дар раъйпурсии умумихалқӣ оид ба ворид намудани тағйиру иловаҳо ба Конститутсияи (Сарқонуни) Ҷумҳурии Тоҷикистон фаъолона ширкат варзанд.