Футболбозони навраси тоҷик «Пахтакор»-и Тошкандро мағлуб намуданд

Апрель 6, 2016 15:56

Душанбе, 6.04.2016 /АМИТ «Ховар»/. Дар шаҳри Алмаатои Қазоқистон мусобиқаи байналмилалӣ барои ҷоизаи Нурлан Каппаров бо иштироки дастаҳои наврасони Мактаби ҷумҳуриявии маҳорати олии варзиши Тоҷикистон , «Зенит» (Санкт-Петербург), «Динамо» (Тифлис), «Пахтакор» (Тошканд), Академияи «Онтустик» (Чимкент) ва «Жас киран» (Алмаато), ҷамъ шаш даста ба поён расид. Футболбозони мо таҳти роҳбарии мураббиашон Сафаралӣ Раҳмонов бар дастаи «Динамо» бо натиҷаи 1 бар 0 ғолиб омада, аз Академияи «Онтустик» бо ҳамин натиҷа мағлуб шуданд ва ба бозии нимниҳоӣ роҳхат гирифтанд.
Ҳарифи навбатии футболбозони навраси Тоҷикистон «Пахтакор»-и Тошканд буд ва ин дастаро низ футболбозони мо бо нишондоди 1 бар 0 мағлуб карда, ба бозии ниҳоӣ роҳхат гирифтанд.
Дар зӯрозмоии финалӣ «Зенит» (Санкт-Петербург) футболбозони моро имтиҳон карда, бо ҳисоби минималии 1 бар 0 пирӯз гардид ва дар натиҷа Тоҷикистон мақоми ифтихории дуввумро касб кард.
Зинаи сеюмро баъди ғалабааш бар «Динамо» дастаи «Пахтакор»соҳиб шуд.
Дар ҷамъбасти мусобиқа дарвозабони Мактаби маҳорати олии варзиши Тоҷикистон Мурод Муродов беҳтарин дарвозабон ва мурабии даста Сафаралӣ Раҳмонов мурабии беҳтарини мусобиқа эълон гардида, бо тӯҳфаҳои арзишманд мукофотонида шуданд.

Апрель 6, 2016 15:56

Хабарҳои дигари ин бахш

Варзишгарони тоҷик аз мусобиқаҳои байналмилалӣ 958 медал ба даст оварданд
ЛИГАИ ЧЕМПИОНҲО-2-И ОСИЁ. Имрӯз дастаҳои футболи «Истиқлол» ва «Ал-Наср» бо ҳам бозӣ мекунанд
9 паҳлавони тоҷик дар Мусобиқаи байналмилалии Abu Dhabi Grand Slam -2025 иштирок мекунанд
Ҳайати дастаи футболи «Ал-Наср»-и Арабистони Саудӣ барои бозӣ бо «Истиқлол» ба Душанбе омад
ЧЕМПИОНАТИ CAFA-2025. Дастаи мунтахаби занонаи то 18-солаи Тоҷикистон бо дастаи занонаи Узбекистон бозиро мусовӣ кард
Дар даврони соҳибистиқлолии Тоҷикистон бо шарофати варзишгарон Парчами давлатӣ зиёда аз 7500 маротиба баланд бардошта шуд
«ВАРЗИШГАРОН — ПАРЧАМБАРДОРОНИ МИЛЛАТ». Дар Донишкадаи тарбияи ҷисмонии Тоҷикистон ҳамоиши тантанавӣ баргузор шуд
Варзишгарони тоҷик дар Бозиҳои 6-уми ҳамбастагии исломӣ-2025 соҳиби ҳашт медал шуданд
ҶОМИ ОСИЁ ОИД БА ҶУДО БАЙНИ НАВРАСОН ВА ҶАВОНОН-2025. Варзишгарони тоҷик дар рӯзи якум 3 медали тилло ба даст оварданд
«ҶАВОНОН ВА ВАРЗИШГАРОН -САДОҚАТ БА ПЕШВОИ МИЛЛАТ ВА ПАРЧАМИ ДАВЛАТӢ». Бо чунин унвон «Дав барои хушҳолӣ» баргузор гардид
Дар ноҳияи Ёвон варзишгарони ҷавон барои дастовардҳои назаррас қадрдонӣ шуданд
Парчами давлатии Тоҷикистон давоми нуҳ моҳ ба шарафи варзишгарони тоҷик зиёда аз 320 маротиба баланд бардошта шуд