Китобхонаи миллӣ аз шарикони мубодилаи байналмилалӣ 113 китоби нав гирифт

Душанбе, 19.04.2016 /АМИТ «Ховар»/. Аз аввали соли равон аз шарикони мубодилаи байналмилалии китоб 113 номгӯй китоб ба Китобхонаи миллии Тоҷикистон ворид шуд.

Китобҳои номбурда аз китобхонаҳои  Ӯзбекистон, Озарбоҷон, Русия, Миср, Арманистон, Корея, Ветнам ва чанд кишвари дигар тақдим шудаанд.
Дар миёни ин китобҳо асарҳои машҳур, аз қабили ашъори шоири тавонои рус, дорандаи Ҷоизаи Нобел Иосиф Бродский,  рубоиёти ҳаким Умари Хайём бо забони русӣ, мунтахаби Шайх Саъдӣ, «Бобурнома»-и Заҳириддин Муҳаммад Бобур, китоби «Мухаммад-Посланник и Пророк», «Изменения диалектов в арабских современных стихах», «Из истории Русской интеллигенции», «Этюды о Пушкине»- и С.Л.Франкс, «Пушкинская традиция в русской поэзии первой половины ХХ века»-и  В.В.Мусатов ва ғайра низ ҳастанд.