Мусодираи қариб 14 кг маводи нашъаовар дар ноҳияи Дарвоз
Душанбе, 11.04.2016. /АМИТ «Ховар»/. Кормандони Шуъбаи байниноҳиявии дар Дарвоз будаи Раёсати Агентии назорати маводи нашъаовари назди Президенти ҶТ дар ВМКБ дар ҳамкорӣ бо хизматчиёни ҳарбии Отряди сарҳадии Дарвози Қӯшунҳои сарҳадии КДАМ ҶТ қариб 14 килограмм маводи нашъаовар мусодира намуданд. Дар натиҷаи андешидани чораҳои фаврӣ-ҷустуҷӯӣ дар шоҳроҳи Қалъаи Хумб-Хоруғ дар мавзеи Ғармхоҳи деҳаи Хустави ноҳияи Дарвоз сокини 26-солаи ноҳияи Дарвоз ҳамчун гумонбар дар муомилоти ғайриқонунии маводи нашъаовар дастгир гардид. Ҳангоми кофтукови шахсӣ аз дастгиршуда ду адад борхалта дарёфт гардид, ки дар дохили яке аз онҳо 13 дона бастаи полиэтиленӣ бо маводи хамирмонанд ва дар дохили борхалтаи дигар ду адад баста бо маводи хокамонанд мавҷуд буд.
Мутобиқи хулосаи Шуъбаи ташхиси судии Раёсати Агентӣ дар ВМКБ аз маводи мусодирагардида 12 кг 348 грамм афюн ва 1 кг 522 грамм героин мебошад. Вазни умумии маводи нашъаовари мусодирагардида 13 кг 870 граммро ташкил менамояд.
Оид ба ҳодисаи мазкур парвандаи ҷиноӣ аз рӯи моддаи 200 қ. 4 Кодекси ҷиноятии ҶТ (муомилоти ғайриқонунии маводи нашъаовар ё моддаи психотропӣ бо мақсади фурӯш дар ҳаҷми махсусан калон) оғоз карда шудааст.
Ҳоло чорабиниҳои фаврӣ-ҷустуҷӯӣ ва амалҳои тафтишотӣ оид ба муайян намудани ҳолати кор ва муқаррар намудани шахсиятҳое, ки дар ҷинояти мазкур ҳамдастӣ доранд, гузаронида мешаванд.
Судяҳои Суди Олии Тоҷикистон дар форуми байналмилалӣ иштирок намуданд
Ҳайати Тоҷикистон дар ҷаласаи раисони судҳои олии давлатҳои аъзои Созмони ҳамкории Шанхай иштирок намуд
Оид ба татбиқи барномаҳои давлатии Тоҷикистон дар пешгирии экстремизм ва терроризм конфронси ҷумҳуриявӣ доир шуд
Дар Душанбе оид ба истифодаи технологияҳои ҳастаӣ ва бехатарии радиатсионӣ конференсияи байналмилалӣ доир шуд
Тоҷикистон ва Эрон нақша доранд ҳамкориро дар самти мубориза бо ҷинояткории муташаккили фаромиллӣ густариш диҳанд
Байни Тоҷикистон ва Қирғизистон оид ба рафъи ҳолатҳои фавқулода Ёддошти тафоҳум ба имзо расид
Дар Душанбе масъалаи арзёбии фаврӣ ва ҳамоҳангсозии ҳолатҳои фавқулода баррасӣ гардид
Вохӯрии дуюми котибони шуроҳои амнияти давлатҳои Осиёи Марказӣ дар Самарқанд баргузор шуд
Бо истифода аз барномаи «Нозири минтақавии ман» шаҳрвандон метавонанд нозири минтақавии худро шиносанд
ПУРСИДЕД, ҶАВОБ МЕДИҲЕМ. Киҳо хуқуқи дар сафи Қувваҳои Мусаллаҳи Ҷумҳурии Тоҷикистон хизмат карданро доранд?
Дар шаҳри Бӯстон нақшаи даъвати баҳорӣ ба сафи Қувваҳои Мусаллаҳ иҷро гардид
Дар Тоҷикистон нақшаи даъвати баҳорӣ ба сафи Артиши миллӣ беш аз 80 фоиз иҷро шуд
