Ҳайати Тоҷикистон дар Форуми Осиё ва Уқёнуси Ором дар Филиппин иштирок намуд
ДУШАНБЕ, 19.03.2026. /АМИТ «Ховар»/. Аз 16 то 19 март дар шаҳри Манилаи Ҷумҳурии Филиппин Форуми Осиё ва Уқёнуси Ором оид ба низомҳои агрозуқаворӣ баргузор шуд, ки дар он Раиси Кумитаи бехатарии озуқавории назди Ҳукумати Ҷумҳурии Тоҷикистон Муҳаммадсаид Файзуллозода иштирок намуд. Дар ин хусус ба АМИТ «Ховар» аз Кумитаи бехатарии озуқавории ҷумҳурӣ хабар доданд.
Дар форум масъалаҳои мубрами рушди низомҳои агрозуқаворӣ, таъмини амнияти озуқаворӣ, истифодаи технологияҳои муосир дар соҳаи кишоварзӣ ва тақвияти ҳамкории минтақавӣ ва байналмилалӣ дар ин самт мавриди баррасӣ қарор дода шуданд.
Роҳбарону намояндагони давлатҳои гуногун, созмонҳои байналмилалӣ ва ниҳодҳои молиявӣ таҷриба ва пешниҳодҳоро оид ба рушди устувори бахши кишоварзӣ ва таъмини дастрасии аҳолӣ ба озуқавории босифат пешниҳод намуданд.
Инчунин дар доираи форум мулоқоти Раиси Кумитаи бехатарии озуқаворӣ Муҳаммадсаид Файзуллозода бо Директори Идораи бахши кишоварзӣ, озуқаворӣ, табиат ва рушди деҳот дар Бонки Осиёии Рушд Ҷянфэн Чжан баргузор гардид. Ҷонибҳо масъалаҳои муҳими ҳамкории дуҷонибаро дар самтҳои рушди соҳаи кишоварзӣ, татбиқи лоиҳаҳои сармоягузорӣ, таҳкими низоми таъмини бехатарии озуқаворӣ, обу иқлим ва рушди деҳот мавриди баррасӣ қарор доданд.
Муҳаммадсаид Файзуллозода аз дастгирии пайвастаи Бонки Осиёии Рушд дар татбиқи лоиҳаҳои муҳим дар Тоҷикистон ёдовар шуда, иброз намуд, ки ҳамкории судманд дар самтҳои кишоварзӣ, беҳтар намудани инфрасохтори озуқаворӣ, баланд бардоштани самаранокии истеҳсолот ва истифодаи самараноки обу иқлим барои рушди устувори иқтисоди миллӣ аҳамияти калидӣ доранд.
Ҳамчунин ҳамсуҳбатон доир ба густариши ҳамкории минбаъда, ҷалби сармоягузориҳои нав ва амалисозии барномаҳои муштарак, ки ба рушди бахши аграрӣ ва баланд бардоштани сатҳи амнияти озуқаворӣ дар ҷумҳурӣ равона шудаанд, табодули назар намуданд.
Муҳаммадсаид Файзуллозода барои ҳамкории самарабахш ва дастгирии доимӣ дар татбиқи лоиҳаҳои рушди соҳаҳои кишоварзӣ, таъмини бехатарии озуқаворӣ ва обу иқлим изҳори сипос намуда, омодагии ҷониби Тоҷикистонро барои идомаи ҳамкории мутақобили судманд таъкид кард.
АКС: Кумитаи бехатарии озуқавории назди Ҳукумати Ҷумҳурии Тоҷикистон
«SOS». Барномаи мобилие, ки дар ҳолатҳои фавқулода ба шаҳрвандон кумак мерасонад
Тоҷикистон ва шарикони минтақавию байналмилалӣ ҳамкориро дар самти идоракунии хавфҳои иқлимӣ тақвият медиҳанд
Ҷаласаи Кумитаи роҳбарикунандаи Барномаи муштараки «Тағйир додани низоми озуқаворӣ барои беҳтар намудани ғизо дар Тоҷикистон» доир шуд
ОГОҲӢ! Аз 5 то 7 август дар баъзе минтақаҳои Тоҷикистон сар задани сел пешгӯӣ мешавад
Аз 1 август ҳаракати нақлиёт дар баъзе кӯчаҳои шаҳри Душанбе муваққатан маҳдуд карда мешавад
ИМРӮЗ — РӮЗИ КОРМАНДОНИ ХАДАМОТИ ОТАШНИШОНӢ. Кормандони ин ниҳод барои ҳифзи ҷони шаҳрвандон ба таври шабонарӯзӣ фаъолият менамоянд
Масъалаҳои таҳкими ҳамкории Тоҷикистон ва Чин дар самти мубориза бо ҷинояткорӣ баррасӣ гардиданд
Котиби Шурои амнияти мамлакат бо Сафири Покистон дар Тоҷикистон мулоқот намуд
ҚОИДАҲОИ БЕХАТАРӢ АЗ СӮХТОРРО РИОЯ НАМОЕД! Дар Тоҷикистон беш аз 500 ҳодисаи сӯхтор ба қайд гирифта шудааст
Прокуратураи генералӣ оид ба иҷрои қонунгузории мамлакат беш аз 4,6 ҳазор санҷиш гузаронид
Дар Тоҷикистон беш аз 600 ҳолати машғул шудан ба ҷодугарӣ ва фолбинӣ ошкор карда шуд
НИШАСТИ МАТБУОТӢ. Дар Тоҷикистон сатҳи содиршавии ҷиноят 10,3 фоиз коҳиш ёфтааст
