Нахустин хет-трик ва аввалин ғалабаи “Хайр” дар Чемпионати Тоҷикистон

Апрель 11, 2016 11:19

Душанбе, 11.04.2016 /АМИТ«Ховар»/. Дар бозии аввали Чемпионати Тоҷикистон дастаи “Хайр”-и Ваҳдат, ки онро мураббии шинохтаи Тоҷикистон Шариф Назаров машқ медиҳад, дар майдонаш “Равшан”-и Кӯлобро қабул карда, бо натиҷаи 4 бар 0 пирӯз шуд.
Легионери ганагии “Хайр” Агблей Ҷонес, ки бори аввал дар ҳайати дастаҳои Тоҷикистон бозӣ мекунад, ба задани се гол муваффақ шуд ва муаллифи аввалин хет-трик дар Чемпионати соли 2016 –и Тоҷикистон гардид.
Як голи дигарро намояндаи дигари Гана Миссиам Иносент ба ҳадаф расонд.
Аз дақиқаи 7-уми қисми аввали бозӣ мизбонон баъди аз майдон ронда шудани капитани даста Идибек Ҳабибуллоев дар ҳайати 10 нафар ҳунарнамоӣ карданд.
Дар бозиҳои даври аввал “Регар-ТадАз” бар КМВА “Помир” ва “Хуҷанд” бар “Вахш” бо натиҷаи якхелаи 2 бар 1 пирӯз шуданд.
Вохӯрии аввали худро дастаи нави лигаи олӣ “Ҳосилот”-и Фархор дар майдонаш бо “Барқчӣ”и Душанбе бо ҳисоби 2 бар 2 мусовӣ ҷамъбаст кард ва дар мусобиқоти лигаи олӣ ба аввалин холл комёб гардид.
Даври дуввум рӯзҳои 16-ум ва 17-уми апрел баргузор шуда, “Равшан” бо “Ҳосилот”, КМВА “Помир” бо, “Истиқлол” бо “Барқчӣ”, “Вахш”бо “Хайр” ва “Парвоз” бо “Регар-ТадАЗ” вориди майдон мешаванд.

Апрель 11, 2016 11:19

Хабарҳои дигари ин бахш

ҶОМИ ОСИЁ-2025. Имрӯз дастаи наврасони Тоҷикистон (U-17) дар даври аввал бо мунтахаби Уммон бозӣ мекунад
Барои дарёфти «Ҷоми Раиси шаҳри Душанбе» Мусобиқаи байналмилалии гӯштингирӣ баргузор мегардад
ҶОМИ ОСИЁ-2025. Дастаи мунтахаби наврасони Тоҷикистон (U-17) дар Ҷидда тамринҳои навбатӣ баргузор намуд
Дар Чемпионати Осиё оид ба ҷудо Тоҷикистонро 13 варзишгар муаррифӣ менамояд
Ғолибони шоҳҷоизаҳои Мусобиқаи гӯштини миллӣ дар ноҳияи Темурмалик муайян шуданд
Душанбе мизбони Форуми Шурои олимпии Осиё ва ҳамбастагии олимпӣ мегардад
Дар Душанбе Ҷоми ҷаҳон оид ба велосипедронии кӯҳӣ баргузор мегардад
Абдулло Давлатов бозиҳои қисми ниҳоии Ҷоми Осиё-2025-ро доварӣ менамояд
Дастаи мунтахаби наврасони Тоҷикистон (U-17) панҷ бозии санҷишӣ анҷом дод
ЧЕМПИОНАТИ ТОҶИКИСТОН. Бозиҳои даври сеюми дастаҳои Лигаи олӣ оид ба футбол оғоз мегарданд
Рақибони дастаи мунтахаби занонаи Тоҷикистон оид ба футбол дар марҳилаи интихобии Ҷоми Осиё-2026 муайян шуданд
Ғолибони Мусобиқаи байналмилалии гӯштингирӣ дар шаҳри Истаравшан муайян шуданд