Ошкор гардидани беш аз 90 ҳолати қонуншиканӣ

Душанбе, 26.04.2016 /АМИТ  «Ховар»/.  Аз  оғози сол беш аз 90 ҳолати қонуншиканӣ аз ҷониби кормандони Раёсати минтақавии  гумрук дар вилояти Хатлон ошкор гардидааст. Ҳолати қонунвайронкунии гумрукӣ нисбат ба ҳамин давраи  соли  гузашта тамоюли  пастшавӣ дорад, зеро ин омор дар семоҳаи аввали соли 2015 наздик ба 120 ададро ташкил дода буд,- иттилоъ медиҳад дафтари матбуоти Хадамоти гумруки  назди Ҳукумати Ҷумҳурии Тоҷикистон.
Аз 93 ҳолати қонушиканиҳое, ки дар бахши гумрукӣ аз ҷониби кормандони  Раёсати  минтақавии гумруки вилояти Хатлон ошкор гардидаанд, 1 ҳолати он ба ҷиноят ва боқимондааш ба ҳуқуқвайронкуниҳои  маъмурӣ марбут аст.
Гуфта мешавад, ки  бо кушодани парвандаҳои ҳуқувайронкунии маъмурӣ нисбат ба шахсони воқеӣ ва ҳуқуқӣ беш аз 100 ҳазор сомонӣ ҷарима ситонида шуда, ба буҷаи кишвар ворид гардидааст.