Озмун ба ифтихори ҷашни 25-солагии Истиқлолияти давлатии ҶТ

Душанбе, 26.04.2016. /АМИТ «Ховар»/. Ба ифтихори санаи бузурги таърихӣ — ҷашни 25-солагии Истиқлолияти давлатии Ҷумҳурии Тоҷикистон ва Рӯзи кормандони гумрук Хадамоти гумруки назди Ҳукумати Ҷумҳурии Тоҷикистон озмун эълон менамояд.
Дар озмун намояндагони васоити ахбори омма, кормандони  Хадамоти гумрук ва соҳибкорони  ватанӣ метавонанд иштирок намоянд.
Бозтоби  фаъолияти мақомоти гумруки кишвар дар зарфи 25 соли Истиқлолияти давлатии Ҷумҳурии Тоҷикистон аз ҳадафҳои  асосии озмун арзёбӣ мегардад.
Озмун дар арафаи таҷлили  ҷашни 25-солагии таъсиси мақомоти гумруки кишвар ҷамъбаст гардида, ғолибони ҷои аввалро 1000 сомонӣ, зинаи дуюмро 700 ва ҷои сеюмро 500 сомонӣ интизор аст.