Ҷалби намудани духтарон ба ихтисосҳои муҳандисиву металлургӣ

Душанбе, 31.05.2016 /АМИТ «Ховар»/.  30-юми майи соли равон дар Кумитаи кор бо занон ва оилаи назди Ҳукумати Ҷумҳурии Тоҷикистон дар доираи Барномаи давлатии «Тарбия, интихоб ва ҷо ба ҷогузории кадрҳои роҳбарикунандаи Ҷумҳурии  Тоҷикистон аз ҳисоби занону духтарони лаёқатманд барои солҳои 2007-2016» суҳбат баргузор гардид. Дар он  намояндагони донишгоҳу донишкадаҳо ва зиёда аз 70 нафар донишҷӯдухтарони фаъоли макотиби олии кишвар иштирок намуданд.
Мақсад аз роҳандозии суҳбат ҷалби бештари духтарон ба муассисаҳои олии кишвар аз рӯи ихтисосҳои муҳандисӣ, металлургӣ, ҳисобу информатика, энергетика, геологӣ, менеҷмент ва муносибатҳои байналмилалӣ буд.