Бонувони муштзани мамлакат аз роҳхат ба бозиҳои Олимпӣ маҳрум шуданд

Душанбе, 22.05.2016 /АМИТ «Ховар»/. Охирин умеди ба даст овардани роҳхати олимпӣ дар мусобиқаи бокси ҷаҳон байни бонувон, ки дар шаҳри Остонаи Қазоқистон идома дорад, аз даст  рафт. Мавзуна Чориева дар   вохӯрии дуюмаш баъди пирӯзӣ бар Вен-Линг Чен аз муштзани Озорбойҷон Яна Алексеева дар вазни 60 кг мағлуб шуд.
Ба ҳамин тартиб, бонувони боксчии Тоҷикистон аз ҳаққи иштирок дар  бозиҳои олимпии Рио-2016 бенасиб монданд.
Ёдовар мешавем, ки Шоира Зулқайнарова низ дар даври аввал дар вазни 75 кг аз муштзани Олмон Сара Шеурих шикаст хӯрда буд.