Дар Данғара содироти меваю сабзавот меафзояд

Душанбе, 10.05.2016./АМИТ«Ховар»/. Хоҷагиҳои деҳқонии ноҳияи Данғара тасмим гирифтаанд, ки соли равон вобаста ба нақшаи дурнамо 2300 тонна маҳсулоти кишоварзӣ содирот намоянд.
Деҳқонони ноҳия то имрӯз ба миқдори 373, 7 тонна меваю сабзавот содир намуда, аз ин ҳисоб 35,5 тоннаро ба воситаи роҳи ҳавоӣ ва 338,2 тоннаи боқимондаи онро тавассути роҳи оҳан ба кишварҳои Русияву Қазоқистон, Туркия ва Аморати Араб интиқол додаанд. Боиси хушнудист, ки тӯли ду-се соли охир бо шарофати васеъ гардидани масоҳати боғҳои мевадиҳандаи ноҳия ҳаҷми маҳсулоти содиротшаванда низ дар ҳоли афзоиш қарор дорад.