«Дониш талабу бузургӣ омӯз!» — озмун дар Ёвон
Ёвон, 19.05.2016 /АМИТ «Ховар»/. Бахшида ба 25- солагии Истиқлолияти давлатии Ҷумҳурии Тоҷикистон дар Гимназияи хонандагони лаёқатманди ноҳияи Ёвон озмунҳои «Хонандаи соли 2016» ва «Дониш талабу бузургӣ омӯз!» баргузор шуданд, ки дар онҳо хонандагони муассиса иштирок намуданд.
Директори муассисаи мазкур Ашурмоҳ Юнусова зикр намуд, ки мақсад аз баргузории чунин озмунҳо дарёфт ва рушди дониши хонандагони боистеъдод мебошад.
10 нафар ғолиби озмунҳо бо ифтихорнома ва туҳфаҳои хотиравӣ қадрдонӣгардиданд.