«Фаъолияти ҳуқуқэҷодкунӣ дар Ҷумҳурии Тоҷикистон: рушд ва проблемаҳо»- Конфронси илмӣ-амалӣ

Душанбе, 4.05.2016 /АМИТ «Ховар»/. Маркази миллии қонунгузории назди Президенти Ҷумҳурии Тоҷикистон тасмим гирифтааст, ки 26 майи соли 2016 бо иштироки намояндагони мақомоти ҳокимияти қонунгузор, иҷроия, судӣ ва муассисаҳои илмӣ конфронси илмӣ-амалии ҷумҳуриявиро дар мавзўи «Фаъолияти ҳуқуқэҷодкунӣ дар Ҷумҳурии Тоҷикистон: рушд ва проблемаҳо» баргузор намояд.
Дар конфронси мазкур масъалаҳои муносибатҳои ҳуқуқӣ ва ҳуқуқэҷодкунӣ, меъёрэҷодкунӣ, ҳуқуқэҷодкунӣ ва қонунэҷодкунӣ, принсипҳои ҳуқуқэҷодкунӣ, омилҳои иҷтимоии фаъолияти ҳуқуқэҷодкунӣ дар Ҷумҳурии Тоҷикистон, ҳуқуқэҷодкунӣ ва техникаи қонунгузорӣ, фаъолияти идоравӣ-назоратӣ барои ҳуқуқэҷодкунӣ дар Ҷумҳурии Тоҷикистон, проблемаҳои назариявӣ-ҳуқуқии ташаббуси қонунгузорӣ дар Тоҷикистон, фаъолияти ҳуқуқэҷодкунии Президенти Ҷумҳурии Тоҷикистон ва муносибгардонии фаъолияти ҳуқуқэҷодкунӣ дар Тоҷикистон дар шароити истиқлолияти давлатӣ баррасӣ карда мешаванд.