Иштирок дар раъйпурсӣ қарзи шаҳрвандии сокинон аст

Душанбе, 22.05.2016 /АМИТ «Ховар»/. Шурӯъ аз субҳи имрӯз  дар ҳама гӯшаю канори ҷумҳурӣ раъйпурсии умумихалқӣ оид ба ворид намудани тағйиру иловаҳо ба Конститутсияи (Сарқонуни) Ҷумҳурии Тоҷикистон оғоз гардид ва сокинон иштирок дар раъйпурсиро қарзи шаҳрвандии худ ҳисобида, раъйи худро дода истодаанд.
Дар участкаи раъйпурсии № 42, ки дар  мактаби таҳсилоти миёнаи умумии  № 66 шаҳри Душанбе ҷойгир аст, то соати 8: 30 зиёда аз 200 нафар овоздиҳанда раъйи худро додаанд, ки ин 10 фоизи раъйдиҳандагонро ташкил медиҳад.
Ба иттилои масъулини участкаҳои раъйдиҳӣ ҷараёни раъйпурсӣ шаффоф буда, ҳанӯз ягон қонунвайронкунӣ ба чашм нарасидааст.