Лахш: Бахшида ба 25-солагии Истиқлолият 5 китобхона ва бинои маркази фарҳангӣ ба истифода дода мешавад

Лахш, 12.05.2016/АМИТ «Ховар»/. Бо мақсади таҳким бахшидан ба сиёсати фарҳангии Ҷумҳурии Тоҷикистон дар назди бахши фарҳанги ноҳияи Лахш 28 китобхона, 8 хонаи маданият, 14 маркази фарҳангии деҳот, 1 осорхона дар маркази ноҳия ва филиали он дар ҷамоати дехоти Лахш ва 1 мактаби мусиқии бачагона фаъолият менамоянд.
Дар 28 китобхонаи фаъол фонди умумии китоб 83 ҳазору 791 нусхаро ташкил менамояд.
Инчунин дар тӯли солҳои охир 3 бинои нави китобхона ба истифода дода шуда, бахшида ба 25-солагии Истиқлолияти давлатии Ҷумҳурии Тоҷикистон боз 5 китобхона ва бинои маркази фарҳангии деҳот ба истифода дода мешаванд.
Ҳамасола ба воситаи «Корвони китоб» ба китобхонаҳои ноҳия теъдоди муайяни китобҳои тозанашр дастрас карда мешаванд.