«Низоми оташбас» дар Ҳалаб 48 соати дигар тамдид карда шуд

Душанбе, 11.05.2016 /АМИТ «Ховар»/. «Низоми оташбас» дар шаҳри Ҳалаби Сурия аз соати 00:01 10 май 48 соати дигар тамдид карда шуд,- иттилоъ дод роҳбари Маркази русиягӣ оид ба оштии тарафҳои даргир дар ҳудуди Сурия генерал-лейтенант Сергей Кураленко.
«Низоми оташбас» дар шаҳри Ҳалаб имкони пастшавии ташаннуҷ ва коҳиш ёфтани теъдоди умумии нақзи оташбасро фароҳам овард»,- гуфт Кураленко.
Ба наздикӣ Русия ва Иёлоти Муттаҳида дар як изҳороти муштарак тамдиди оташбасро дар Сурия тасдиқ намуданд. Маскав ва Вашингтон эътироф намуданд, ки ин тадбирҳо ба пастшавии ташаннуҷ кумак расониданд,- иттилоъ медиҳад РИА «Новости».