Сафарбаркунии муҳоҷирони меҳнатӣ ба ФР

Душанбе, 24.05.2016 /АМИТ «Ховар»/. Аз  16 то 22 май ҶДММ Сомонэкспрестранс, ҶС Иттиҳодияи автовокзалҳо, ҶДММ Суғдиён Помир тур, ҶДММ Роҳи Абрешим ва СИ Маҳмудов дар ҳамкорӣ бо Раёсати Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон дар вилояти Суғд гурӯҳи муҳоҷирони меҳнатиро ба шаҳрҳои Тюмен, Новосибирск, Сургут, Красноярск, Оренбург ва Самараи Федератсияи Русия сафарбар намуданд. Сафарбаршудагон аслан  сокинони шаҳру ноҳияҳои вилояти Суғд буда,  аз 6 моҳ то 1 сол ба муҳоҷирати меҳнатӣ рафтанд.
Тавре ки аз Хадамоти муҳоҷират иттилоъ доданд, ба гурӯҳҳои сафарбаршуда роҳбаладони ботаҷриба роҳбарӣ менамоянд.
Дар маросими гусел кормандони раёсат бо муҳоҷирони меҳнатӣ корҳои фаҳмондадиҳӣ бурда, онҳоро бо маводи ташвиқотию тарғиботӣ таъмин намуданд.