Шиносоии Сарвазири мамлакат бо рафти корҳои сохтмонӣ дар «Комбинати металургии Тоҷикистон»
Душанбе, 7.05.2016. /АМИТ «Ховар»/. Имрўз Сарвазири мамлакат Қоҳир Расулзода дар шаҳри Ҳисор бо рафти корҳои сохтмонӣ дар «Комбинати металургии Тоҷикистон» шинос шуд.
Таъкид кардан ба маврид аст, ки сохтмони «Комбинати металургии Тоҷикистон» соли 2011 шурўъ гардида, тибқи нақша то охири соли равон мавриди баҳрабардорӣ қарор дода мешавад.
Иқтидори солонаи корхонаи саноатӣ дар соли аввали фаъолият баробар ба 120 ҳазор тонна буда, дар соли сеюми фаъолият аллакай иқтидори он то ба 400 ҳазор тонна дар як сол расонида мешавад.
Соли аввали корӣ дар ин корхона 500 нафар бо ҷойи кор таъмин мегардад ва баробари тақвияти иқтидори истеҳсолӣ дар соли сеюми фаъолият шумораи коргарон аз ҳисоби аҳолии маҳалӣ то 1000 нафар мерасад. Дар айни ҳол дар пешбурди корҳои сохтмонӣ ва васлу насби таҷҳизот беш аз 150 нафар ҷалб шудаанд, ки 130 нафари онҳо коргарони маҳаллӣ мебошанд. Корҳои сохтмони қисмати асосии корхона ба пуррагӣ анҷом ёфта, дар айни замон васлу насби таҷҳизоту технологияи нави корӣ бо маром идома дорад.
Сарвазири мамлакат барои анҷоми босифати корҳои сохтмонӣ ва васлу насби дурусти таҷҳизоти истеҳсолӣ, беҳдошти шароити таъминоти барқ, ба миқдори зарурӣ захира намудани ашёи хоми маҳалӣ, истеҳсоли маҳсулоти рақобатпазир ва тақвияти ҳамкорӣ бо дигар корхонаҳои металургии ватанӣ ва хориҷӣ роҳбарияти вазорату идораҳои дахлдор ва дигар масъулини соҳаро вазифадор намуд.
ТАЪТИЛРО БОСАМАР ГУЗАРОНЕМ! Таҳти ин шиор Донишгоҳи байналмилалии забонҳои хориҷии Тоҷикистон озмуни китобхонии фосилавиро эълон намуд
Ваколатдор оид ба ҳуқуқи инсон ҷиҳати баланд бардоштани маърифати ҳуқуқии шаҳрвандон 46 машварати сайёри ҳуқуқӣ гузаронид
Пагоҳ дар Агентии хизмати давлатӣ, Хадамоти назорати давлатии бехатарии корҳо дар саноат ва соҳаи кӯҳкорӣ, Академияи идоракунии давлатӣ ва Саридораи геология нишасти матбуотӣ баргузор мегардад
Вазорати энергетика: «Воридот ва нархи гази моеъ таҳти назорати мақомоти ваколатдори соҳа қарор дорад»
«ФАЙЗИ ИСТИҚЛОЛ». Дар басти сеюми ин лагер 410 кӯдаку наврас ба истироҳат фаро гирифта шуд
Суҳбат дар баландӣ. Сокинони ВМКБ бо топ-менеҷерони ширкати «МегаФон Тоҷикистон» мулоқот намуданд
Дар Кӯлоб вобаста ба саҳми шуроҳои ҷамъиятӣ дар амалишавии ислоҳоти милитсия ҳамоиш баргузор шуд
Имрӯз дар Тоҷикистон ҳавои тағйирёбанда пешгӯӣ шудааст
Бо иқдоми соҳибкорони ватанӣ заминҳои кишоварзии ноҳияи Деваштич обёрӣ гардиданд
Таътили тобистонаи хонандагон дар истироҳатгоҳи омӯзишии «Истиқлол»-и назди Донишгоҳи давлатии Кӯлоб бофароғат мегузарад
