Ҳайати Тоҷикистон дар ҷаласаи вазирони Кумитаи доимии ҳамкории иқтисодиву тиҷоратии СҲИ иштирок намуд
ДУШАНБЕ, 05.11.2025 /АМИТ «Ховар»/. 3- 4 ноябр дар шаҳри Истанбули Ҷумҳурии Туркия 41-умин Нишасти вазирони Кумитаи доимоамалкунандаи ҳамкории иқтисодӣ ва тиҷоратии Созмони ҳамкории исломӣ (COMCEC) баргузор гардид, ки дар он ҳайати Тоҷикистон таҳти роҳбарии Сафири Фавқулода ва Мухтори Ҷумҳурии Тоҷикистон дар Ҷумҳурии Туркия Содиқ Имомӣ иштирок намуд.
Тавре ба АМИТ «Ховар» аз Вазорати корҳои хориҷии Ҷумҳурии Тоҷикистон хабар доданд, дар нишаст масъалаҳои вобаста ба вазъи кунунӣ дар кишварҳои ҳавзаи тиҷоратии Созмони ҳамкории исломӣ, алалхусус барқарорсозии бахшҳои инфрасохтории Давлати Фаластин ва Сурия ва татбиқи лоиҳаҳои нав баррасӣ гардид.
Инчунин амалисозии тавсияҳои омоданамудаи Гурӯҳи кории Кумитаи доимоамалкунандаи ҳамкории иқтисодӣ ва тиҷоратии Созмони ҳамкории исломӣ барои беҳтарсозии фаъолияти хоҷагидорӣ, ҳукумати электронӣ, ба роҳ мондани низоми рақамӣ, истеҳсоли маҳсулотҳои босифати ҳалол ва дигар мавзуҳои мубрам мавриди баррасӣ қарор гирифтанд.
АКС: Вазорати корҳои хориҷии Ҷумҳурии Тоҷикистон
Имрӯз дар шаҳри Душанбе ҳавои тағйирёбанда пешгӯӣ мешавад
Дар қаламрави Тоҷикистон заминларза ба амал омад
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
