Дар Донишгоҳи байналмилалии сайёҳӣ ва соҳибкорӣ дар ҳошияи иштироки Президенти Тоҷикистон дар Саммити СММ ҳамоиши илмӣ баргузор шуд
ДУШАНБЕ, 05.11.2025 /АМИТ «Ховар»/. Имрӯз дар Донишгоҳи байналмилалии сайёҳӣ ва соҳибкории Тоҷикистон ҳамоиши илмӣ таҳти унвони «Ҷанбаҳои илмӣ ва амалии таҳкими нуфузи байналмилалии Тоҷикистон: Пешвои миллат дар Саммити Созмони Милали Муттаҳид оид ба рушди иҷтимоӣ» доир гардид.
АМИТ «Ховар» бо истинод ба Донишгоҳи байналмилалии сайёҳӣ ва соҳибкории Тоҷикистон иттилоъ медиҳад, ки дар ҳамоиш роҳбарият, профессорону омӯзгорон ва муҳаққиқони ҷавони донишгоҳ иштирок намуда, оид ба паҳлуҳои илмӣ, сиёсӣ ва амалии суханронии Пешвои миллат муҳтарам Эмомалӣ Раҳмон дар сатҳи байналмилалӣ мубодилаи афкор намуданд.
Муовини ректор оид ба илм ва инноватсияи донишгоҳ Исломбек Зоирзода иброз намуд, ки 4 ноябри соли 2025 Президенти Ҷумҳурии Тоҷикистон муҳтарам Эмомалӣ Раҳмон дар Саммити Созмони Милали Муттаҳид оид ба рушди иҷтимоӣ, ки дар шаҳри Давҳаи Давлати Қатар баргузор шуд, зимни суханронии пурмуҳтаво ва таҳлилгарона ба масъалаҳои таъмини некуаҳволии иҷтимоӣ, таҳкими сармояи инсонӣ ва рушди устувори иқтисодӣ таваҷҷуҳи махсус зоҳир намуданд.
Таъкид гардид, ки некӯаҳволии иҷтимоӣ на танҳо як унсури сиёсати дохилӣ, балки омили муҳими сулҳу субот, ҳамбастагии ҷаҳонӣ ва рушди устувор мебошад.
Тавре Сарвари давлат дар ин Саммит иброз намуданд, рушди иҷтимоӣ бояд фарогир, устувор ва бе тафовут нисбат ба ҳеҷ як гурӯҳи аҳолӣ бошад.
Инчунин дар ҳамоиш олимону профессорони донишгоҳ сухан намуда, дар таҳлилҳои худ аҳамияти суханронии Сарвари давлатро дар Саммити Созмони Милали Муттаҳид, нуфузи афзояндаи байналмилалии Тоҷикистон, ташаббусҳои созандаи кишвар дар самти ҳифзи иҷтимоӣ, рушди устувор ва ҳамкорӣ бо созмонҳои байналмилалиро мавриди баррасӣ қарор доданд.
Гуфта шуд, ки сиёсати хориҷии фаъол ва ташаббусҳои байналмилалии Ҷумҳурии Тоҷикистон таҳти роҳбарии Пешвои миллат муҳтарам Эмомалӣ Раҳмон, кишварро ба мақоми шоистаи ҷаҳонӣ расонидааст.
Ҳамоиш бо муҳокимаҳои илмӣ, саволу ҷавоб ва пешниҳоди тавсияҳои амалии илмӣ анҷом ёфт. Иштирокдорон таъкид намуданд, ки суханронии Пешвои миллат дар Саммити СММ боз як далели равшани нуфузи афзояндаи Тоҷикистон дар сатҳи байналмилалӣ ва сиёсати инсонмеҳвару иҷтимоимеҳвари давлат мебошад.
АКС: Донишгоҳи байналмилалии сайёҳӣ ва соҳибкории Тоҷикистон
Ҳизби Халқии Демократии Тоҷикистон-пояи устувори мафкураи сиёсӣ дар роҳи ташаккули давлатдории миллӣ
Дар Шаҳринав бо сокинон ва соҳибкорон оид ба истифодаи самараноки неруи барқ вохӯрӣ доир шуд
Имрӯз дар баъзе ноҳияҳои Тоҷикистон туман мефарояд
Дар Душанбе бахшида ба Рӯзи ҳуқуқи инсон ҳамоиш баргузор мегардад
РӮЗИ БАЙНАЛМИЛАЛИИ РАССОМОН. Ин ҳунар дар Тоҷикистон беш аз ҳазор сол пеш ба вуҷуд омадааст
Комрон Кенҷаев: «Мо шабакаро дар тамоми ҳудуди Хатлон бунёд карда, муосир мегардонем»
Доир ба нақши Ҳизби Халқии Демократии Тоҷикистон дар таъмини пешрафт ва зиндагии шоистаи мардум конференсия баргузор шуд
IRS: Ҳаракати тамоми нақлиёт дар роҳи мошингарди Душанбе- Чанок таъмин аст
Ба муносибати Рӯзи байналмилалии мубориза бар зидди коррупсия дар Файзобод конференсияи илмӣ доир гардид
Сафири Тоҷикистон бо муовини вазири корҳои хориҷии Арабистони Саудӣ мулоқот намуд
Имрӯз дар ноҳияҳои доманакӯҳи Тоҷикистон бориши борон ва барф дар назар аст
Дар шаҳри Кӯлоб оид ба пешгирии истифодаи ғайриқонунии неруи барқ вохӯрӣ баргузор шуд
