Ворид намудани тағйиру иловаҳо ба Конститутсия-талаби замон ва фароҳам овардани шароити зиндагии арзанда
Душанбе, 20.05.2016 /АМИТ «Ховар»/. Дирӯз дар Агентии миллии иттилоотии Тоҷикистон «Ховар» дар арафаи баргузории раъйпурсии умумихалқӣ бо иштироки намояндагони Ҳизби Халқии Демократии Тоҷикистон ҷаласа доир гардид.
Дар ҷаласаи мазкур намояндагони ҲХДТ доир ба зарурати ворид намудани тағйиру иловаҳо ба Конститутсияи (Сарқонуни) Ҷумҳурии Тоҷикистон ибрози назар карда, аз ҷумла афзуданд, ки зарурати ворид намудани ин тағйиру иловаҳо, пеш аз ҳама, ба хотири мутобиқ намудани ин санади муҳими сиёсӣ ба талаботу меъёрҳои асноди байналмилалӣ, пешрафту густариши ҳамаҷонибаи Тоҷикистон, мутобиқ намудани калимаҳо ба меъёрҳои забони давлатӣ, ҷалб намудани ҷавонон ба корҳои давлатдорӣ, вазифаҳои давлатӣ ва амсоли инҳо ба миён омадааст.
Директори АМИТ «Ховар» Саидалӣ Сиддиқ доир ба инъикоси ҳаматарафаи ҷараёни омодагӣ ба баргузории раъйпурсии умумихалқӣ иброз дошт, ки тамоми чорабиниҳои марбута сари вақт тавассути сомонаи расмии агентӣ инъикос шуда, ҳамаи онҳо ба тариқи барномаҳои радиоӣ дар Радиои «ҒМ Ховар» пахш шуданд. «Барои пайгирӣ ва инъикоси фаврию саҳеҳ ва объективонаи раванди раъйпурсии умумихалқӣ тамоми ҳайати эҷодии агентӣ муваззаф шуда, умед аст ин маъракаи муҳими сиёсӣ дар сатҳи баланд инъикос гардад, зеро тамоми кормандони АМИТ «Ховар» ва Радиои «ҒМ Ховар» бо дарки масъулияти баланди шаҳрвандӣ, ба хотири рушди Тоҷикистон аз ворид намудани тағйиру иловаҳо ба Конститутсия (Сарқонун) ҷонибдорӣ намуда, дар ин маъракаи муҳими сиёсӣ фаъолона иштирок хоҳанд кард», — тазаккур дод Саидалӣ Сиддиқ.
Маврид ба зикр аст, ки ворид намудани тағйиру иловаҳо ба Конститутсияи (Сарқонуни) Ҷумҳурии Тоҷикистон вобаста ба шароити имрӯза талаби замон буда, барои таҳкими пояҳои низоми демократии кишвар, фароҳам овардани шароити зиндагии арзанда барои шаҳрвандон ва сокинони мамлакат мусоидат мекунад. Аз ин рӯ, бояд ҳар як шахс дар ин маъракаи муҳими сиёсӣ фаъолона иштирок намуда, мавқеи худро дар чорабинии сиёсӣ мушаххас намояд, зеро ворид намудани тағйиру иловаҳо ба ин санади муҳим дар оянда имкон фароҳам меорад, ки пояҳои давлатдории тоҷикон боз ҳам қавитар гарданд.
Имрӯз дар Тоҷикистон ҳавои тағйирёбандаи бебориш пешгӯӣ мешавад
Ба сокинони аз офати табиӣ зарардидаи ноҳияи Сангвор 17 манзили истиқоматӣ супорида шуд
COP29 бо қадамҳои муҳим дар самти мубориза бо тағйирёбии иқлим ва лоиҳаи нави маблағгузорӣ ба анҷом расид
Мактаб–интернати ҷумҳуриявии кӯдакони ятим ва Хона-интернати пиронсолон ва маъюбони ноҳияи Ёвон бо гармӣ таъмин мебошанд
«БЕҲТАРИН ҲАМСАР». Дар Тоҷикистон озмуни ҷумҳуриявӣ доир мешавад
Чӣ тавр ёварони овозӣ дар ҳолатҳои гуногуни зиндагӣ кумак мекунанд
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
