Бозии дастаи мунтахаби Тоҷикистон-Бангладеш. Ҳисоб: 5:0

Июнь 3, 2016 09:43

Душанбе, 03.06.2016 /АМИТ «Ховар»/. Дастаи мунтахаби кишварамон таҳти роҳбарии мураббии нави худ Ҳаким Фузайлов дар аввалин дидори расмиаш дар доираи бозиҳои плей-оффи Чемпионати Осиё -2019 бар дастаи мунтахаби Бангладеш бо натиҷаи намоёни 5:0 ғалаба кард.
Дар ҳузури беш аз 8 000 мухлис ҳайати тағйирхӯрдаи тими мунтахаби мо нисбат ба рақобатҳои қаблӣ тавонист бозии ниҳоят ҷолиби серголро манзури тамошобинон гардонад. Пеш аз ҳама, ҷалб шудани бозингарони ҷавон ва ба ҳайати асосӣ шомил шудани онҳо суръати бозиро хеле баланд кард ва умед аст, ки дар бозиҳои оянда ин ҳайат боз ҳам сайқал хоҳад ёфт.
Бозингари беҳтарини ин вохӯрӣ Ҷаҳонгир Эргашев дар дақиқаи 19 ҳисобро боз карда, баъдан бо голи дуюми задааш бартарии футболбозони моро афзуд. Парвиз Умарбоев пас аз он, ки зарбаи кунҷиро футболбозони мо ба таври хос ба иҷро расониданд, муаллифи голи сеюм шуд. Дарвозабони тими мунтахаби Бангладеш Шаҳидул Алам хеле серкор буд. Дар дақиқаи 58 баъди зарбаи ҷаримавӣ муҳофизатгари тими мунтахаби кишварамон Даврон Эргашев дар майдони назди дарвоза аз ҳама боло ҷаста, бо зарбаи сар голи чоруми дастаи мунтахабро ба ҳадаф расонид. Умедҷон Шарифов муаллифи голи панҷум гардид.
Дастаи мунтахаби Тоҷикистон, ба як маъно, пеш аз рақобати баргашти дастаҳо 7 июн дар шаҳри Дакка масъалаи роҳхат ба бозиҳои ниҳоии Чемпионати Осиё-2019-ро, ки дар Амороти Мутаҳидаи Араб мегузарад, ҳалл кард.
Дар ин рӯз вохӯриҳои дигар ҳам барпо гардиданд, ки натиҷааш чунин аст:
Тайбэйи Чин   Камбоҷа  2:2
Лаос  Ҳиндустон  0:1
Малайзия Тимори Шарқӣ  3:0
Малдив  Яман  0:2

Июнь 3, 2016 09:43

Хабарҳои дигари ин бахш

Дар Душанбе ҷаласаи Кумитаи футзали Федератсияи футболи Тоҷикистон баргузор шуд
Варзишгарони тоҷик аз мусобиқаҳои байналмилалӣ 958 медал ба даст оварданд
ЛИГАИ ЧЕМПИОНҲО-2-И ОСИЁ. Имрӯз дастаҳои футболи «Истиқлол» ва «Ал-Наср» бо ҳам бозӣ мекунанд
9 паҳлавони тоҷик дар Мусобиқаи байналмилалии Abu Dhabi Grand Slam -2025 иштирок мекунанд
Ҳайати дастаи футболи «Ал-Наср»-и Арабистони Саудӣ барои бозӣ бо «Истиқлол» ба Душанбе омад
ЧЕМПИОНАТИ CAFA-2025. Дастаи мунтахаби занонаи то 18-солаи Тоҷикистон бо дастаи занонаи Узбекистон бозиро мусовӣ кард
Дар даврони соҳибистиқлолии Тоҷикистон бо шарофати варзишгарон Парчами давлатӣ зиёда аз 7500 маротиба баланд бардошта шуд
«ВАРЗИШГАРОН — ПАРЧАМБАРДОРОНИ МИЛЛАТ». Дар Донишкадаи тарбияи ҷисмонии Тоҷикистон ҳамоиши тантанавӣ баргузор шуд
Варзишгарони тоҷик дар Бозиҳои 6-уми ҳамбастагии исломӣ-2025 соҳиби ҳашт медал шуданд
ҶОМИ ОСИЁ ОИД БА ҶУДО БАЙНИ НАВРАСОН ВА ҶАВОНОН-2025. Варзишгарони тоҷик дар рӯзи якум 3 медали тилло ба даст оварданд
«ҶАВОНОН ВА ВАРЗИШГАРОН -САДОҚАТ БА ПЕШВОИ МИЛЛАТ ВА ПАРЧАМИ ДАВЛАТӢ». Бо чунин унвон «Дав барои хушҳолӣ» баргузор гардид
Дар ноҳияи Ёвон варзишгарони ҷавон барои дастовардҳои назаррас қадрдонӣ шуданд