Дастаҳои мунтахаби Мексика ва Венесуэла пеш аз муҳлат ба бозиҳои плей-оффи Ҷоми Амрико-2016 баромаданд

Душанбе, 10.06.2016 /АМИТ «Ховар»/. Имрӯз дар гурӯҳи «С»-и бозиҳои  ниҳоии Ҷоми Амрико баъди ғалабаи дастаи мунтахаби Венесуэла бар Уругвай(0:1) ва Мексика бар Ямайка(2:0) ҷидду ҷаҳд барои роҳхат ба бозиҳои плей-офф дар ин гурӯҳ барҳам хӯрд. Новобаста ба бозиҳои даври сеюм Мексика ва Венесуэла бо касби 6 имтиёз ба даври бозиҳои плей-офф роҳхат гирифтанд. Дастаи мунтахаби Уругвай, ки даъвогари асосӣ барои ҷои аввал дар ин гурӯҳ буд, дар бозии аввал аз Мексика бо натиҷаи 3:1 шикаст хӯрд. Дар бозии дуввум бо Венесуэла ҳам ягона голи задаи Саломон Рондон дастаи мунтахаби Уругвайро бори аввал дар таърихи бозиҳои  Ҷоми Амрико  аз бозиҳои даври гурӯҳӣ дар канор кард. Акнун вохӯрии футболбозони Мексика ва Венесуэла 14 июн ғолиби гурӯҳро муайян мекунад.
Субҳи рӯзи дигар аз гурӯҳи «Д» дастаҳои Чилӣ бо Боливия ва Аргентина бо Панама вориди майдон мешаванд.