Гузоштани санги асос ба корҳои сохтмонии Қасри фарҳанг дар маркази ноҳияи Шуғнон

Июнь 26, 2016 08:53

Душанбе, 26.06.2016. /АМИТ «Ховар»/. Баъди ифтитоҳи мактаб дар деҳаи Кушки Ҷамоати Поршневи ноҳияи Шуғнон Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, дар маркази ноҳияи Шуғнон бо гузоштани санги асос ба корҳои сохтмонии Қасри фарҳанг ҳусни оғоз бахшид.

Замина барои бунёди маркази нави маъмурӣ ва нуқтаи замонавии истироҳату фароғати маънавӣ бо муосиртарин бинои Қасри фарҳанг бо гузоштани санги асос аз ҷониби Пешвои миллат дар маркази ноҳия муҳайё гардида, корҳои сохтмонӣ бо тарҳи ғайри оддӣ, аз рӯи услуби хоси меъмории миллӣ амалӣ хоҳад шуд.

Президенти Ҷумҳурии Тоҷикистон нахуст бо тарҳи сохтмонӣ, ки мутобиқ ба стандартҳои муосири шаҳрсозӣ омода шудааст, шинос шуда барои татбиқи бо сифати лоиҳа дастуру маслиҳатҳои муфид дод.

Оғози корҳои бунёди Қасри фарҳанг аз ҳисоби суратҳисоби махсуси Дирексияи сохтмони иншооти Ҳукуматии Дастгоҳи иҷроияи Президенти Ҷумҳурии Тоҷикистон бо арзиши 5 миллион сомонӣ пешбинӣ шуда, он дар асоси тарҳи муосири меъморӣ амалӣ хоҳад гашт.

Дар ин китъа, тибқи нақшаи мукаммали меъморӣ бо ҳашомати хоси фарҳангӣ Қаср бунёд мегардад, ин аст, ки дар самти муҳайё сохтани шароити зарурии хизматрасонӣ ба аҳолӣ дар асоси тарҳ амалисозии тамоми инфрасохторӣ зарурӣ низ ба нақша гирифта шудааст.

Қасри фарҳанг аз бинои 2 ошёна иборат буда, дар ошёнаи якум, толор барои 324-ҷойи нишаст, дидбонӣ марказӣ, хонаи ҳунармандон, ҳуҷраи хоси сару либос, утоқҳои муосири корӣ, ҳуҷраи техникӣ ва ҳуҷраи маҳфил тарҳрезӣ шудааст. Дар ошёнаи дуюми бино, пешайвон, толор барои бештар аз 100 ҷойи нишаст, ҳуҷраи маҳфил ва миёнсарой ташкил хоҳад шуд. Дар маҷмӯъ бинои замонавии Қасри фарҳанг ҳамагӣ бо 500 ҷойи нишаст бунёд мешавад.

Дастур дода шуд, ки корҳо дар иншооти бунёдшаванда мутобиқи талаботи муосири меъморӣ ва бо тамоми шароити зарурии корӣ амалӣ гардида, системаи пешқадами комуникатсионии фаъолият муҳайё шавад.

Дар асоси дастуру супоришҳои Сарвари давлат ин иншооти фарҳангӣ оянда бо тамоми имконоту шароити пешқадам барои гузаронидани чорабиниҳои бо шукуҳ имконпазир хоҳад шуд.

Татбиқи чунин тарҳи сохтмонӣ аз ҷониби меъморони маҳаллӣ дар муддати кӯтоҳ амали шуда, ғайри оддӣ ва дорои услуби хос мегардад.

Июнь 26, 2016 08:53

Хабарҳои дигари ин бахш

ЭЪЛОН: «ВАССОФИ ВАТАН». Барои рӯзноманигорон ва корбарони саҳифаҳои иҷтимоии шабакаҳои интернетӣ фестивал-озмун баргузор мешавад
Ҳангоми истифодаи хабару маводи сомона истинод ба www.khovar.tj ҳатмӣ аст!
Саҳифаҳои расмии АМИТ «Ховар» дар шабакаҳои иҷтимоӣ: facebook.com/niatkhovar, t.me/niatkhovar, youtube.com/@niat_Khovar_tj, instagram.com/niat_khovar/, twitter.com/niatkhovar, Радиои Ховар 101.5 fm, facebook.com/khovarfm/
Тандиси биринҷии чеҳраи Пешвои миллат ба Сарвари давлат Эмомалӣ Раҳмон тақдим гардид
Сарвари давлат Эмомалӣ Раҳмон дар шаҳри Душанбе дар ҳамоиши наврӯзӣ – «Корвони шодӣ» иштирок намуданд
Суханронии Пешвои миллат Эмомалӣ Раҳмон дар маросими баргузории карнавали наврӯзии «Корвони шодӣ» дар шаҳри Душанбе
Президенти Ҷумҳурии Тоҷикистон Эмомалӣ Раҳмон бо Президенти Федератсияи Русия суҳбати телефонӣ анҷом доданд
Президенти Ҷумҳурии Тоҷикистон Эмомалӣ Раҳмон ба Президенти Федератсияи Русия Владимир Путин барқияи изҳори тасаллӣ ирсол намуданд
Як қатор сарони давлатҳо ба унвони Президенти Ҷумҳурии Тоҷикистон Эмомалӣ Раҳмон ба муносибати ҷашни Наврӯзи байналмилалӣ барқияҳои табрикӣ ирсол намуданд
Масъалаи зиёд намудани сармоягузорӣ ба татбиқи Неругоҳи барқи обии «Роғун» баррасӣ гардид
Паёми шодбошии Пешвои миллат Эмомалӣ Раҳмон ба ифтихори Наврӯзи соли 2024
Президенти Ҷумҳурии Тоҷикистон Эмомалӣ Раҳмон бо Президенти Федератсияи Русия Владимир Путин суҳбати телефонӣ анҷом доданд