Дар арафаи ҷашни 25-солагии Истиқлолияти давлатӣ дар ноҳияи Лахш 5 китобхона ва 1 хонаи фарҳангии деҳот ба истифода дода мешаванд

Лахш, 14.06.2016 /АМИТ «Ховар»/. Дар арафаи ҷашни 25-солагии Истиқлолияти давлатии Ҷумҳурии Тоҷикистон дар ноҳияи Лахш 5  китобхона ва 1   хонаи фарҳангии дехот ба истифода дода мешаванд. Ҳамчунин дар ноҳия бо мақсади таҳким бахшидан ба сиёсати фарҳангии Ҷумҳурии Тоҷикистон дар назди бахши фарҳанги ноҳия 28 китобхона, 8 хонаи маданият, 14 хонаи фарҳангии деҳот, 1 осорхона дар маркази ноҳия ва филиали он дар ҷамоати дехоти Лахш ва 1 мактаби мусиқии бачагона фаъолият менамояд, ки дар 28 китобхонаи ноҳия фонди умумии китоб 83 ҳазору 791 нусхаро ташкил менамояд.
Ҳамасола ба воситаи «Корвони китоб» ба китобхонаи ноҳия теъдоди муайяни китобҳои тозанашр дастрас карда мешавад.