Мардони саховатпешаи шаҳри Ваҳдат сокинонро бо оби нӯшокӣ таъмин намуданд

Ваҳдат, 16.06.2016 /АМИТ «Ховар»/. Бахшида ба ҷашни Ваҳдати миллӣ ва 25-умин солгарди Истиқлолияти давлатии Ҷумҳурии Тоҷикистон мардони саховатпешаи деҳаи Ҳайдарободи ҷамоати деҳоти Гулистони шаҳри Ваҳдат бо маблағи 174 ҳазор сомонӣ, 120 хоҷагӣ, ки 906 нафарро ташкил медиҳанд ва муассисаи таҳсилоти умумии №106- и деҳаи мазкурро аз чуқурии 71 метр об бароварда, бо оби нӯшокӣ таъмин намуданд. Сокинони деҳаи Ҳайдаробод аз оби дарёи Кофарниҳон менӯшиданд, ки дар фасли сармо зимни дарёфти он ба мушкилоти ҷиддӣ дучор мешуданд.
Аз ин хотир, мардони саховатпешаи деҳа аз ҷуқурии 71 метр оби тоза бароварданд, ки он  дар ду зарфи 25 тонна захира мешавад ва  шаҳрвандон бе мушкилӣ аз он истифода мебаранд.