Мубодилаи ёддоштҳо байни Ҳукумати Тоҷикистон ва Ҳукумати Япония
Душанбе, 30.06.2016 /АМИТ «Ховар»/. 29 июни соли 2016 дар Вазорати корҳои хориҷӣ маросими имзои Созишнома аз тариқи мубодилаи ёддоштҳо байни Ҳукумати Ҷумҳурии Тоҷикистон ва Ҳукумати Япония оид ба лоиҳаи «Бурсия барои рушди захираҳои инсонӣ» ва Созишномаи грантӣ ҷиҳати татбиқи ин лоиҳа баргузор гардид.
Мубодилаи ёддошт ва Созишномаи грантии мазкурро вазири корҳои хориҷии Ҷумҳурии Тоҷикистон Сироҷидин Аслов, кордори Сафорати Япония Такаши Камада ва роҳбари Агентии Япония оид ба ҳамкории байналмилалӣ Киёши Ишии имзо карданд.
Ҷиҳати иҷрои тавофуқҳое, ки зимни музокироти сатҳои олӣ дар шаҳри Душанбе моҳи октябри соли 2015 ҳосил шуданд, дар доираи Созишномаи мазкур 5 нафар хизматчиёни давлатии Ҷумҳурии Тоҷикистон аз ҳисоби бурсияҳои Ҳукумати Япония дар соҳаҳои робитаҳои байналмилалӣ, сохтмони институтсионалӣ, иқтисоди бозаргонӣ ва менеҷмент барои таҳсил ба Япония фиристода мешаванд.
Дар маҷмӯъ 23 нафар мутахассисони ҷавони тоҷикистонӣ аз ҳисоби бурсияҳои мазкур дар Япония таҳсилро бо муваффақият ба итмом расонда, унвони магистр гирифтанд. Айни замон аз рӯи лоиҳаи мазкур 10 нафар хизматчии давлатӣ дар Япония таҳсил доранд.
Дар Душанбе тавсеаи минбаъдаи муносибатҳои гуногунҷанбаи Тоҷикистон ва Амрико баррасӣ гардид
Ташкили даврҳои омӯзишӣ барои дипломатҳои ҷавони тоҷик дар Арабистони Саудӣ баррасӣ шуд
Дар Душанбе машваратҳои сиёсӣ байни Тоҷикистон ва Олмон доир шуд
Дар Риёз машваратҳои сиёсӣ байни вазоратҳои корҳои хориҷии Ҷумҳурии Тоҷикистон ва Арабистони Саудӣ баргузор шуданд
Сафири Тоҷикистон бо Вазири иқтисоди Амороти Муттаҳидаи Араб мулоқот намуд
Ташаббусҳои байналмилалии Тоҷикистон дар мавзуи обу иқлим баланд арзёбӣ гардиданд
Дар Душанбе конфронси байналмилалӣ оид ба мубориза бо терроризм доир шуд
Дар Душанбе машваратҳои сиёсии Тоҷикистон ва Туркманистон баргузор шуданд
Сафири Тоҷикистон бо Раиси Палатаи савдо ва саноати Абузабӣ мулоқот намуд
Масъалаи сармоягузорӣ байни Тоҷикистон ва Арабистони Саудӣ баррасӣ гардид
Имконоти сайёҳии Ҷумҳурии Тоҷикистон ва Конфедератсияи Швейтсария муаррифӣ шуданд
Таҷлили Рӯзи Президенти Ҷумҳурии Тоҷикистон дар шаҳри Москва
