Танҳо нафарони аз 18 — сола боло муҳоҷири меҳнатӣ шуда метавонанд
Душанбе, 21.06.2016 /АМИТ «Ховар»/. Кормандони Раёсати Хадамоти муҳоҷират дар шаҳри Душанбе ҳамарўза дар давоми вохўрӣ бо муҳоҷирони меҳнатӣ оид ба қонунгузориҳо дар самти муҳоҷирати меҳнатӣ суҳбатҳо гузаронида, таъкид менамоянд, ки он шаҳрвандоне, ки синнашон ба 18 нарасидааст, ба муҳоҷирати меҳнатӣ азми сафар накунанд.
Бинобар ҳамин, аз 10 июли соли 2013 Президенти Федератсияи Русия дар қонунгузории соҳаи муҳоҷирати меҳнатӣ тағйиру иловаҳоро дар самти фаъолияти меҳнатӣ ба имзо расонид, ки дар он омадааст: «Шахсоне, ки синнашон ба 18 нарасидааст ва дорои иҷозатномаи кор (разрешение на работу), патент мебошанд, фаъолияташон қатъ карда шаванд ва онҳоро огоҳ намоянд, ки қаламрави Федератсияи Русияро ба хоҳиши худ тарк карда, ба давлати аҷдодии худ баргарданд.
Дар ҳолати саркашӣ ва аз ҳудуди давлати зикргардида набаромадан, аз ҷониби мақомоти дахлдор самти фаъолияти мазкур қатъ карда шуда, тибқи қонунҳои амалкунанда нисбат ба онҳо тадбирҳои зарурӣ андешида шаванд».
Бинобар ин, дар Федератсияи Русия он муҳоҷирони меҳнатӣ ба кор қабул карда мешаванд, ки синнашон ба 18 расида бошад.
Ҳамарўза дар мавриди вохўриҳо ё қабули сокинон-муҳоҷирони меҳнатӣ, ки ба Раёсати Хадамоти муҳоҷират дар шаҳри Душанбе муроҷиат менамоянд, таъкид карда мешавад, ки агар синнашон ба 18 нарасида бошад, ба муҳоҷирати меҳнатӣ сафар накунанд.
Дар ин бора мутахассиси пешбари Раёсати ХМ дар шахри Душанбе Фирдавс Бозоров ба мухбири АМИТ «Ховар» иттилоъ дод.
Имрӯз дар Тоҷикистон ҳавои тағйирёбандаи бебориш пешгӯӣ мешавад
Ба сокинони аз офати табиӣ зарардидаи ноҳияи Сангвор 17 манзили истиқоматӣ супорида шуд
COP29 бо қадамҳои муҳим дар самти мубориза бо тағйирёбии иқлим ва лоиҳаи нави маблағгузорӣ ба анҷом расид
Мактаб–интернати ҷумҳуриявии кӯдакони ятим ва Хона-интернати пиронсолон ва маъюбони ноҳияи Ёвон бо гармӣ таъмин мебошанд
«БЕҲТАРИН ҲАМСАР». Дар Тоҷикистон озмуни ҷумҳуриявӣ доир мешавад
Чӣ тавр ёварони овозӣ дар ҳолатҳои гуногуни зиндагӣ кумак мекунанд
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
