USAID ва Маркази фарҳангию иттилоотии «Сахо Арт Медиа» маълумотнокии аҳолиро дар мавзӯи пешгирии бемории сил баланд мебардоранд
Душанбе, 23.06.2016 /АМИТ «Ховар»/. Барномаи USAID оид ба мубориза бар зидди бемории сил ва Маркази фарҳангию иттилоотии «Сахо Арт Медиа» имрӯз, 23 июн дар Театри давлатии ҷавонони Тоҷикистон ба номи М.Воҳидов намоишномаи худро дар мавзӯи «Пешгирии бемории сил ва паст намудани сатҳи доғгузорӣ нисбат ба ин беморӣ»-ро ба тамошобинон пешкаш менамоянд.
Намоишнома ба хотири баланд бардоштани сатҳи огоҳии мардум нисбат ба бемории сил омода гаштааст. Намоишномаи Душанбе охирин намоишномаи театри сайёр мебошад. Ин театри сайёр ба шаҳру ноҳияҳои вилояти Суғд ва ноҳияи Нуробод сафар намуд ва намоишномаро 11 маротиба ба бештар аз 2 ҳазор тамошобин пешкаш намудааст. Тавассути ин намоишнома тамошобинон оид ба нишонаҳои бемории сил, пешгирии ин беморӣ ва доғгузорӣ маълумот пайдо намуданд.
Мавриди зикр аст, ки театри сайёр бо дастгирии Барномаи USAID оид ба мубориза бар зидди бемории сил таҳия гаштааст. Мақсади Барномаи USAID оид ба мубориза бар зидди бемории сил бо буҷаи 13,2 миллион доллари амрикоӣ, ки барои панҷ сол ба нақша гирифта шудааст, коҳиши сатҳи паҳншавии бемории сил дар Тоҷикистон мебошад. Барнома ба тақвияти коркарди сиёсати миллӣ, беҳтар кардани дастрасии гурӯҳҳои осебпазири аҳолӣ ба ташхис ва табобат, дастгирии низоми кумаки тиббии ба бемор равонашуда, ҳамчунин тақвияти таҳлилгоҳу дигар бахшҳои соҳаи тандурустӣ дар вилоятҳои Суғду Хатлон ва водии Рашт таваҷҷуҳи хос зоҳир менамояд.
Чӣ тавр ёварони овозӣ дар ҳолатҳои гуногуни зиндагӣ кумак мекунанд
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
Дар Донишгоҳи техникии Тоҷикистон озмоишгоҳи ташхиси партовҳои обӣ ба истифода дода шуд
Ректори Донишгоҳи байналмилалии сайёҳӣ ва соҳибкории Тоҷикистон бо унвони «Профессори фахрӣ»-и ду донишгоҳи Чин сарфароз гардид
