Ҳамкории Тоҷикистону Индонезия тақвият меёбад

Душанбе, 22.07.2016. /АМИТ «Ховар»/. 21 июли соли равон вазири корҳои хориҷии Ҷумҳурии Тоҷикистон Сироҷидин Аслов ҳайати Ҷумҳурии Индонезияро бо роҳбарии Сафири фавқулода ва мухтори ин кишвар дар Ҷумҳурии Тоҷикистон Фостер Гултом ба ҳузур пазируфт.
Бино ба иттилои ВКХ ҶТ, дар рафти мулоқот ҳолат ва дурнамои рушди муносибатҳои Тоҷикистону Индонезия ва роҳҳои тақвияти минбаъдаи ҳамкорӣ дар соҳаҳои сиёсӣ, иқтисодӣ, тиҷоратӣ, сармоягузорӣ, маориф, илм ва саёҳат баррасӣ шуданд.
«Ҳамчунин роҷеъ ба ҳамкории ду кишвар дар ҳошияи созмонҳои минтақавию байналмилалӣ табодули назари судманд сурат гирифт», — зикр шудааст дар сомонаи расмии ВКХ ҶТ.