Бо супориши Сарвари давлат ба кишоварзони ноҳияи Ишкошим таҷҳизоти нави техникӣ ирсол карда шуд

Июль 29, 2016 16:46

Хоруғ, 29.07.2016. /АМИТ «Ховар»/. Асосгузори сулҳу Ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон  ҳангоми мулоқот бо бошандагони ноҳияи Ишкошом, ки моҳи июни  соли ҷорӣ доир гардида буд, ба масъулини соҳаи кишоварзии ҷумҳурӣ супориш дод, ки деҳқонони ин ноҳияро бо техникаю механизмҳои зарурии кишоварзӣ таъмин намоянд.
Роҳбарияти Корхонаи воҳиди давлатии ҷумҳуриявии «Тоҷикагролизинг» бо дастури Пешвои миллат 1 комбайни ғалладарав, 2 трактори МТЗ-82, 12 мотоблокҳои хурд, 12 алафдарави хурд, 8 испор ва дигар намудҳои техникаи кишоварзиро ба ин ноҳия интиқол доданд.
Сардори шуъбаи фаръии «Агролизинг» дар ВМКБ Зокир Қурбоноҷонов зикр намуд, ки ноҳияи Ишкошим дар муқоиса бо ноҳияҳои дигари вилоят майдонҳои васеи кишт дорад, вале бо сабаби норасоии техникаву механизмҳо на ҳамаи китъаҳои замини ин навоҳӣ истифода мешаванд.
Акнун бо дастрас гардидани техникаи кишоварзӣ ба деҳқонони ин минтақаи дурдаст имконияти мусоид фароҳам оварда шуд. Умед аст, ки минбаъд маҳсулоти босифат ва арзони кишоварзони ин навоҳӣ дар бозорҳои ноҳияву вилоят пешкаши сокинон хоҳанд гардид.

Июль 29, 2016 16:46

Хабарҳои дигари ин бахш

Бахшида ба Соли нав ба ниёзмандони ноҳияи Шуғнон кумак расониданд
КИ ҲХДТ дар Хатлон ба кӯдакони имконияташон маҳдуд туҳфаҳои идона тақдим намуд
ОБУ ҲАВО: Имрӯз дар шаҳри Душанбе ҳаво 8+10 дараҷа гарм мешавад
Ба ниёзмандони ноҳияи Ёвон 33 аробаи маъюбӣ тақдим гардида, ба ятимон туҳфаҳои Президенти Тоҷикистон расонида шуданд
Дар арафаи Соли нав ба оилаҳои ниёзманд, маъюбон ва беморони ноҳияи Фирдавсӣ кумак расонида шуд
ОБУ ҲАВО: Имрӯз дар Тоҷикистон ҳавои тағйирёбандаи бебориш дар назар аст
Дар арафаи Соли нав дар ноҳияи Фирдавсӣ ташкилоти ибтидоии ҲХДТ бо номи «Ватандор» таъсис ёфт
Туҳфаҳои идонаи Пешвои миллат ба 36 нафар хонандагони Мактаб-интернати ноҳияи Лахш тақдим гардиданд
Дар шаҳрҳои Хуҷанд, Истиқлол, Бӯстон ва Гулистони вилояти Суғд ярмарка-фурӯши маҳсулоти кишоварзӣ оғоз гардид
Ба Маркази вилоятии ҳимояи аҳолӣ аз бемории сили №2 ва Маркази вилоятии равонпизишкии шаҳри Кӯлоб кумак расонида шуд
Оилаи соҳибкорон Сатторовҳо ба хонандагони ятиму маъюб ва ниёзманди Литсейи касбӣ-техникии Ҳисор кумак намуданд
Ба Маркази дастгирии оила ва кӯдаки №2 таҷҳизоти маишӣ тақдим гардид