Бозии дуввуми дӯстонаи тимҳои мунтахаби футзали Ӯзбекистон ва Тоҷикистон ба анҷом расид

Душанбе, 14.07.2016 /АМИТ «Ховар»/. Тими мунтахаби футзали Тоҷикистон вохӯриҳои дӯстонаи худро дар шаҳри Тошканд бо дастаи мунтахаби футзали Ӯзбекистон идома медиҳад. Дар дидори дуввуми худ футболбозони мо бо натиҷаи минималии 2 бар 1 мағлуб шуданд. Дар нимаи аввал соҳибони майдон дар дақиқаи 10 туфайли голи задаи Илҳом Раҷабов ба сафи пеш баромаданд ва дар поёни ин қисм Нодир Элибоев бартарии соҳибони толорро бештар намуд.
Дар қими дуввум бозии футзалистони кишварамон беҳтар шуд ва муаллифи се гол дар вохӯрии аввал Файзалӣ Сардоров ин навбат низ бе гол аз майдон нарафт ва ҳисобро 2:1 намуд.
Ба ҳамин тартиб тими мунтахаби футзали Ӯзбекистон иштирокдори Чемпионати ҷаҳон, ки аз 10-уми сентябр то 2 октябр дар Колумбия мегузарад,  ба ғалабаи аввалинаш комёб гардид.
Имрӯз бозии охирини дӯстонаи дастаҳои мунтахаби футзали Ӯзбекистон ва Тоҷикистон дар шаҳри Тошаканд баргузор мегардад. Мақсади гузаронидани чунин бозиҳо баланд бардоштани маҳорати касбии футболзалистони ҳар ду кишвар ба ҳисоб меравад. Аз ин пештар дастаҳои мунтахаби Ӯзбекистон ва Тоҷикистон соли равон чор бозии таҷрибавӣ баргузор карданд, ки ду вохӯрӣ мусовӣ ва ду вохӯриии дигар ба нафъи футболбозони ӯзбекистонӣ анҷом ёфтааст.
Мақсади гузаронидани чунин бозиҳо баланд бардоштани маҳорати касбии футболзалистони ҳар ду кишвар ба ҳисоб меравад. Аз ин пештар дастаҳои мунтахаби Ӯзбекистон ва Тоҷикистон соли равон чор бозии таҷрибавӣ баргузор карданд, ки ду вохӯрӣ мусовӣ ва ду вохӯриии дигар ба нафъи футболбозони ӯзбекистонӣ анҷом ёфтааст.