Директори Агентии обуҳавосанҷӣ Ҳомидҷон Расулзода: «Моҳи август дар Душанбе 34 39 дараҷа гармӣ дар назар аст»

Душанбе, 20.07.2016. /АМИТ «Ховар»/.  Директори Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон  Ҳомидҷон Расулзода дирӯз зимни нишасти матбуотӣ иброз дошт, ки  вобаста ба ташхисҳои ҳамарӯзаи Агентии обуҳавошиносӣ, охирҳои моҳи июл ҳаво дар водиҳо бебориш буда, рӯзҳои 22-26 ва 28 асосан дар кӯҳҳо боришот дар назар дошта шудааст.
Ба иттилои Ҳомидҷон Расулзода дар аввали моҳи август  боришоти кам пешгӯӣ карда мешавад. Дар ин моҳ  дар вилояти Хатлон 38- 43 дараҷа, дар  вилояти Суғд 36- 41 дараҷа, дар ноҳияҳои тобеи марказ ва шаҳри Душанбе 34  39 дараҷа гармӣ дар назар дошта шудааст.