Губернатори Нижегород Валерий Шансев гуфт, ки дар Душанбе корхонаҳои муштарак роҳандозӣ менамоянд

Душанбе, 20.07.2016/ АМИТ «Ховар»/. Интизор меравад, ки ояндаи наздик байни шаҳрдории Душанбе ва  вилояти Нижегороди Русия Созишнома дар бораи ҳамкориҳои тиҷоратӣ-иқтисодӣ, илмӣ-техникӣ ва фарҳангӣ  ба имзо рассад. Дар иртибот ба ин масъала гурӯҳи корӣ таъсис дода шудааст.
Дар ин бора дар мулоқот бо Губернатори Нижегород В. Шантсев дар мақомоти иҷроияи ҳокимияти давлатӣ дар шаҳри Душанбе иттилоъ дода шуд.
Боздид ва барномаи сафари кории Губернатори Нижегород барои  таҳкими робитаҳо ва роҳандозии барномаҳои муштараки хамкорӣ байни шаҳри Душанбе ва вилояти Нижегород ки орои  иқтидорҳои бесобиқаи саноатию истеҳсолӣ ва илмию пажуҳишӣ аст, барои рушди инфрасохторӣ, таҷдиди заминаҳои моддию техникии нақлиёт бо ташкили корхонаҳои саноатию истеҳсолии муштарак нақши  муассир хоҳад гузошт.
Валерий Шансев афзуд, ки зери сарпарастиаш таъсиси  корхонаҳои муштарак  дар Душанбе роҳандозӣ карда мешаванд.