Корҳои фаҳмондадиҳӣ дар истироҳатгоҳҳои тобистона

Душанбе, 14.07.2016. /АМИТ «Ховар»/. Тибқи нақшаи чорабиниҳои раёсати маорифи вилояти Хатлон оид ба ташкили истироҳати тобистонаи кӯдакону наврасон дар соли 2016, як қатор кормандони раёсатҳои маориф, фарҳанг, тандурустӣ, ҷавонон, варзиш ва сайёҳӣ,    дар ҳамкорӣ бо кормандони БДА-и РВКД ҶТ дар вилояти Хатлон дар лагеру истироҳатгоҳҳо вохӯриҳо гузарониданд.
Тавре  аз Шуъбаи иттилоотию таҳлилии Дастгоҳи раиси  вилояти Хатлон,  иттилоъ доданд, вохӯрии навбатӣ дар байни хонандагону муррабиёни  муассисаҳои таҳсилоти умумии рақами 1, 4, 5, 9, 14 -и шаҳри Сарбанд баргузор гардид.
Дар вохӯри оид ба  пешгирии талаботи ҷамъиятӣ ва ҳуқуқвайронкунӣ дар байни ноболиғону ҷавонон, пешгирии урфу одатҳои бегона,    Қонуни ҶТ «Дар бораи масъулияти падару модар дар таълиму тарбияи фарзанд», ҳодисаҳои роҳу нақлиётие, ки аз тарафи ноболиғон ва донишҷӯён рух медиҳанд ва пешгирии ғарқшавии кӯдакону наврасон ҳангоми оббозӣ дар кӯлҳо, обанборҳо ва дарёҳо сӯҳбатҳо доир намуданд.
Инчунин, бо хонандагон оид ба қоидаҳои ҳаракат дар роҳ саволу ҷавоб намуда, ба иштирокчиёни фаъол буклету китобчаҳо дар бораи Қоидаҳои ҳаракат дар роҳ тақдим карда шуд.