Роҳбарияти КҲФ ва МГ бо намояндагони «Барномаи озуқаи СММ» мулоқот намуд
Душанбе, 28.07.2016. /АМИТ «Ховар»/. Рустам Назарзода, раиси Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон бо намояндагони «Барномаи ҷаҳонии озуқаи СММ» таҳти сарварии Рупак Манваткар, роҳбари лоиҳаи «Барномаи ҷаҳонии озуқа оид ба тағйирёбии иқлим ва офатҳои табиӣ» мулоқот баргузор кард.
Р. Назарзода ба меҳмонон дар бораи тадбирҳо оид ба бартарафсозии оқибатҳои ҳолатҳои фавқулодда дар ҳудуди Тоҷикистон иттилоъ дода, зикр намуд, ки яке аз сабабҳои ба вуҷуд омадани офати табиӣ тағйирёбии иқлим мебошад.
Р. Назарзода ба Рупак Манваткар барои расонидани кумаки башардӯстона ба аҳолии аз офатҳои табиӣ зарардида изҳори миннатдорӣ намуда, гуфт: «Ман мехоҳам барои кумаки башардӯстонае, ки «Барномаи созмони ҷаҳонии озуқаи СММ» ба аҳолии зарардида расонд, изҳори ташаккур кунам, чун онҳо дар он шабу рӯз ниёзманди ин гуна ёриҳо буданд».
Зимни мулоқот ҷонибҳо масъалаҳои густариши ҳамкориҳо, татбиқи тарҳҳои муштарак, вокуниши саривақтӣ ба фалокатҳо, ташкили иттилоърасонӣ, огоҳ намудани мардум дар бораи хатару таҳдидҳои таббиӣ, омодасозии мутахассисон-наҷотдиҳандагон ва расонидани ёриҳои техникиро мавриди баррасӣ қарор доданд.
Таъкид карда шуд, ки сатҳи ҳамкории судманд миёни Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон ва «Барномаи ҷаҳонии озуқаи СММ» имкон медиҳад, дар оянда низ ба таҳдидҳои ҳолатҳои фавқулоддаи табиӣ ва техногенӣ вокуниш ва муқовимати зарурӣ нишон дода шавад.
Дар Хуҷанд вобаста ба масъалаҳои мубрами маърифати ҳуқуқӣ дар шароити муосир конференсия баргузор гардид
Дар шаҳри Бӯстон ҷаласаи гурӯҳҳои кории ҳайатҳои ҳукуматии Тоҷикистон ва Қирғизистон баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Ба сокинони аз офати табиӣ зарардидаи ноҳияи Сангвор 17 манзили истиқоматӣ супорида шуд
COP29 бо қадамҳои муҳим дар самти мубориза бо тағйирёбии иқлим ва лоиҳаи нави маблағгузорӣ ба анҷом расид
Мактаб–интернати ҷумҳуриявии кӯдакони ятим ва Хона-интернати пиронсолон ва маъюбони ноҳияи Ёвон бо гармӣ таъмин мебошанд
«БЕҲТАРИН ҲАМСАР». Дар Тоҷикистон озмуни ҷумҳуриявӣ доир мешавад
Чӣ тавр ёварони овозӣ дар ҳолатҳои гуногуни зиндагӣ кумак мекунанд
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
