Шиносоии Сарвазири мамлакат бо ҷараёни корҳои бартарафсозии оқибатҳои офатҳои табиӣ дар вилояти Суғд
Душанбе, 05.07.2016. /АМИТ «Ховар»/. Рӯзҳои 4-5 уми июли соли равон Сарвазири мамлакат Қоҳир Расулзода дар шаҳру ноҳияҳои вилояти Суғд бо ҷараёни корҳои бартарафсозии оқибатҳои офатҳои табиӣ шинос шуд.
Дар шаҳри Панҷакент Сарвазири Ҷумҳурии Тоҷикистон аз маҳалли бунёди манзилҳои нав барои зарардидагони офати табиӣ дар деҳоти Халифа Ҳасан дидан кард. Тавре иттилоъ дода шуд, бар асари боришот ва сели зиёд дар ин деҳот беш аз 15 манзили сокинон пурраву қисман хароб гардида, ба хоҷагии халқи шаҳри Панҷакент зарари калон расонд. Бар асари ин офати табиӣ ҳамчунин як қисм роҳу купрукҳои мавзеи сойи Зебон харобу корношоям шудаанд. Дар мавзеи Хамиртеппаи шаҳри Панҷакент айни замон бо дастур ва роҳнамоии бевоситаи Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон бунёди манзилҳои нав ва барқарорсозии қисматҳои харобгардидаи роҳу купрукҳо бомаром идома доранд. Бино ба иттилои масъулини соҳа то 1-уми августи соли равон бунёди манзилҳои нав барои зарардидагони офатҳои табиӣ ба анҷом расонида мешавад.
Дар идомаи сафар ба вилояти Суғд Сарвазири мамлакат Қоҳир Расулзода ҳамчунин дар ноҳияҳои Айнӣ ва Ашт бо рафти бартарафсозии оқибатҳои офатҳои табиӣ дар деҳоти алоҳидаи ин ду ноҳия шинос шуд. Таъкид кардан ба маврид аст, ки дар ноҳияи Ашт офатҳои табиӣ асосан ба роҳу купрукҳо, манзилҳои истиқоматӣ ва иншооти ёрирасони онҳо, инчунин хатҳои барқу оби нӯшокӣ зарари зиёд расонидааст. Мувофиқи маълумоти пешакии Ситоди ҳолатҳои фавқулодда дар ноҳия бар асари баланд шудани сатҳи оби сой дар деҳоти Ашт чор манзили истиқоматӣ пурра ва 9 манзили истиқоматии дигар қисман хароб гардида, роҳи маҳаллии байни деҳаҳо дар масофаи 13 км корношоям шудааст.
Сарвазири мамлакат зимни шиносоӣ бо ҳолати корҳои барқарорсозии иншооти гуногун ва манзилҳои истиқоматӣ роҳбарони вазорату идораҳои дахлдор ва мақомоти иҷроияи маҳалии ҳокимияти давлатӣ, инчунин дигар масъулони дахлдори соҳаро барои таъмини иҷрои саривақтии дастуру супоришҳои Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар самти дастгирӣ ва ҳалли мушкилоти мардуми зарардида вазифадор карда, аз онҳо талаб намуд, ки корҳои бартарафсозии оқибатҳои офати табииро дар ин шаҳру навоҳӣ дар мӯҳлатҳои муқарраргардида ва мувофиқ ба нақшаву лоиҳаҳои тарҳрезишуда анҷом диҳанд.
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ багузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
Дар Донишгоҳи техникии Тоҷикистон озмоишгоҳи ташхиси партовҳои обӣ ба истифода дода шуд
Ректори Донишгоҳи байналмилалии сайёҳӣ ва соҳибкории Тоҷикистон бо унвони «Профессори фахрӣ»-и ду донишгоҳи Чин сарфароз гардид
ПАРЧАМИ МО ПАРФИШОН АЗ ПЕШВОИ МИЛЛАТ АСТ! Дар Душанбе ҳамоиши ҷашнии ҷавонону варзишгарон баргузор шуд
Дар Хуҷанд доир ба масъалаҳои таъмини ҳифзи сирри давлатӣ ва ҳифзи техникии иттилоот конференсияи минтақавӣ баргузор гардид
